كەپتەلىس جايىندا اقپارات جولداعى جاعدايدى تەز باعالاپ, ءجۇرىستى دۇرىس جوسپارلاۋعا مۇمكىندىك بەرەدى. ماسەلەن, كەپتەلىس باعدارشامىنا قاراپ, جولدار بوس بولعانشا كۇتۋگە نەمەسە قوزعالىس قيىنداعان جەرلەردى قالاي اينالىپ وتۋگە بولاتىنىن ويلاستىرۋعا بولادى.
كەپتەلىس باللدارىن ىسكە قوسۋدىڭ الدىندا ياندەكس شىمكەنتتىڭ جولدارىنداعى جاعداي قالاي وزگەرەتىنىن زەرتتەدى. جۇمىس كۇندەرى قالادا كەپتەلىس ساعات تاڭعى 7:30-دا باستالادى. بۇل الماتىعا قاراعاندا كەشرەك, ال استانامەن سالىستىرعاندا شامامەن ءبىر ۋاقىتتا. ساعات 9:00-گە جۋىق كەپتەلىستىڭ ءۇش باللعا دەيىن باراتىن تاڭعى قاربالاس ءساتى. كەيىن جولدار بوسايدى, بىراق ساعات 11:30-دا كەپتەلىس تاڭعى شەككە دەيىن جەتەدى. ادامدار جۇمىستان ۇيگە قايتا باستاعان كەزدە, ساعات 17:30-دان كەيىن جولداعى جاعداي شۇعىل قيىنداي تۇسەدى. كولىك جۇرگىزۋشىلەرى ءۇشىن ەڭ اۋىر ساتتەردىڭ ءبىرى ول جول كەپتەلىسى 6-7 باللعا دەيىن باراتىن كەز – ساعات 18:40 پەن 19:40 ارالىعى. شىمكەنتتە كوپتەگەن باسقا دا قالالاردا سياقتى كەشكى جول كەپتەلىسى تاڭعىعا قاراعاندا ۇزاق ءارى قىزۋ وتەدى. دەگەنمەندە شىمكەنتتە تاڭعى جانە كەشكى جول كەپتەلىسىنىڭ ايىرماشىلىعى كوپتەگەن باسقا قالالارعا قاراعاندا كوبىرەك.
جولداعى جاعداي ساعاتقا عانا بايلانىستى ەمەس, اپتانىڭ كۇنىنە دە بايلانىستى. جۇمانىڭ ەكىنشى ورتاسى بارلىعىنان دا اۋىر – 15:30-دان باستاپ جول كەپتەلىسى باسقا كۇندەرگە قاراعاندا ءبىر باللعا جوعارى. ال كەشكى جول كەپتەلىسى ەرتە باستالىپ, كەش اياقتالادى. جۇمىس كۇندەرىنە قاراعاندا دەمالىس كۇندەرى تاڭعى كەپتەلىس جوق, ال كەشكى شامالى عانا بايقالادى. سەنبى كۇنى كەپتەلىس ساعات 12:00-دەن 20:30-عا دەيىن ءتورت بالل جانە ودان دا جوعارى ساقتالىپ تۇرادى. بۇل جۇمىس كۇننىڭ ورتاسىمەن سالىستىرعاندا ۇزاعىراق. جەكسەنبىدە تۇسكى ۋاقىتتا كەپتەلىس دەڭگەيى شامامەن سەنبىگە قاراعاندا ءبىر باللعا تومەن.
سونداي-اق, جولداعى جاعدايعا ۇيرەنشىكتى قالالىق ءومىردىڭ اعىنىن وزگەرتەتىن اۋا رايى, مەرەكە كۇندەرى جانە باسقا دا فاكتورلار اسەر ەتەدى. جۇرگىزۋشىلەر ءۇشىن جاڭا جىل الدىنداعى اپتا جاي ەمەس بولدى. ەگەردە ياندەكستىڭ باعدارشامى سول كەزدە جۇمىس ىستەگەندە, ول ۇيرەنشىكتى ءۇش باللدىڭ ورنىنا بەس باللدى كورسەتەر ەدى. وسىدان ءبىر اپتا بۇرىن جامان اۋا رايى جولدا كەپتەلىس كەزىندە بولاتىن قالىپتى 6-7 باللدىڭ ورنىنا سەگىز باللعا دەيىن باراتىن ەكى رەت كەدەرگى تۋعىزدى.
