«جاس وتان» جاستار قاناتىنىڭ بەلسەندىلەرى ۇيىمداستىرعان ءسان كورسەتىلىمى قايىرىمدىلىق اۋكتسيونمەن اياقتالدى. كەش سوڭىندا شاراعا جينالعان قوناقتار وزدەرىنە ۇناعان بەس كيىم ۇلگىسىن ساتىپ الدى. ال اۋكتسيوننان جينالعان 120 مىڭ تەڭگە پاۆلودارلىق 2 جاستاعى ءابىش ايشانىڭ ەمىنە بەرىلدى.
پاۆلودار وبلىسىنا ىسساپارمەن كەلگەن «جاس وتان» جاستار قاناتىنىڭ توراعاسى دانيار سۇندەتباەۆ ءوڭىردىڭ جاستارىمەن كەزدەسىپ, جوبا اۆتورلارىن قۇتتىقتادى.
بىلتىر «جاس وتاننىڭ» IV سەزىندە ۇلتتىق بىرەگەيلىكتى ساقتاۋ ءۇشىن جاستار اراسىندا كيىم-كەشەكتەگى ۇلتتىق كيىم ەلەمەنتتەرىنىڭ پايدالانىلۋىن دارىپتەۋگە ىقپال ەتۋ مەن ۇلتتىق كيىم كيۋ موداسىن قالىپتاستىرۋ تۋرالى ايتقان ەدىك. مىنە, وسى باستامانى ءبىرىنشى بولىپ پاۆلودارلىق جاستار قولدادى. ەلباسىنىڭ جەڭىل ونەركاسىپ – كيىم يندۋسترياسىن قولعا الۋ تۋرالى يدەياسىن دا وسى جاستار ىسكە اسىرىپ باستادى. ءبىز ءاردايىم تالانتتى جاستارعا كومەك بەرۋگە دايىنبىز, - دەدى دانيار سۇندەتباەۆ.
بەلسەندىلەر ءوز كەزەگىندە ەلباسىنىڭ جاستار جىلىنىڭ اشىلۋ سالتاناتىندا مالىمدەگەن باستامالارىنا قاتىستى ويلارىمەن ءبولىستى. جىل باسىن وسىنداي يگى ىسپەن باستاعان پاۆلودارلىق جاستار ەلباسى ايتقان جەڭىل ونەركاسىپتى دامىتۋعا دايىن ەكەندىگىن جەتكىزدى.
