قايعىلى جاعداي قاراساي اۋدانى ۇزىناعاش اۋىلىندا ورنالاسقان ۇلتتىق گۆارديا بولىمىندە بولعان. قاتارداعى جاۋىنگەر وزىنە سەنىپ تاپسىرلىعان اتىس قارۋىنان وق اتىپ, باسىنان جارالانعان. جاراقات سالدارىنان ءبىر جىلدان استام مەرزىم بويىنا ازاماتتىق بورىشىن وتەپ جۇرگەن استانالىق ۇلاسبەك قوجان اجال قۇشتى.
- قازىرگى ۋاقىتتا اسكەري بولىمدە بولعان وقيعاعا بايلانىستى قۇقىق قورعاۋ ورگانى مەن اسكەري پروكۋراتۋرا تەرگەۋ, تەكسەرۋ جۇمىستارىن باستادى. جاۋىنگەردىڭ قايعىلى قازاعا ۇشىراۋىنا وراي, وتباسىنا كوڭىل ايتامىز. ازىرگە جاۋىنگەردىڭ بورىشىن وتەۋ كەزىندە وزىنە قول جۇمساۋىنا سەبەپ بولاتىنداي وقيعا بولماعاندىعى انىقتالدى. تەرگەۋ ناتيجەسىن قوسىمشا حابارلايمىز – دەدى ۇلتتىق گۆارديانىڭ «وڭتۇستىك» وڭىرلىك باسقارماسىنىڭ باسشىسى ءانۋار ۇكىباەۆ.
قالماحانبەت مۇقامەتقالي,
«Egemen Qazaqstan»
الماتى وبلىسى
