«سۇرانىس بويىنشا قالا» – بۇل تۇرعىنداردىڭ ءومىر ءسۇرۋ ورتاسىنا قاتىستى تۇسىنىگىن ارتتىرۋعا, تاتۋ كورشىلىكتى تاربيەلەۋگە, قالالىق ينفراقۇرىلىمعا ۇقىپتى قاراۋعا جانە ورتانى ترانسفورماتسيالاۋ قۇرالى رەتىندە ديالوگتى دامىتۋعا باعىتتالعان كەشەندى جوبا. جوبانىڭ ءبىرىنشى كەزەڭىندە اقپارات جيناۋ باستالىپ, ساۋالناما جۇرگىزىلدى.
ەڭ بەلسەندى تۇرعىندار 9-11 قاراشادا «مودەراتورلار مەكتەبىندە» قالالىق ديالوگتى جۇرگىزۋ قۇقىعىنا يە بولدى. ءۇش كۇن ىشىندە بولاشاق مودەراتورلار بىرلەسكەن شەشىمدەردى ىزدەۋ ءۇشىن ديالوگ جۇرگىزۋدى ۇيرەندى. ەكىنشى كەزەڭ 19 جانە 20 قاڭتاردا ۋربانيست سۆياتوسلاۆ مۋرۋنوۆتىڭ باسشىلىعىمەن وتكەن جوبالىق سەمينار بولدى, وعان 60-تان استام ادام قاتىستى. سەمينار بارىسىندا تۇرعىندار قالا ماسەلەلەرىن تالقىلاپ, اباتتاندىرىلۋى ءتيىس ورىنداردىڭ ءتىزىمىن قۇردى. بارلىق نيەت بىلدىرۋشىلەر اكىمدىك وكىلدەرىنەن, بەلسەندى تۇرعىندار مەن مودەراتورلاردان تۇراتىن جوبانىڭ جۇمىس توبىنىڭ قۇرامىنا كىردى.
ءار اۋلاعا كۋراتورلار بەكىتىلىپ, ولار بەلسەندى تۇرعىندارمەن بىرگە جەردى زەرتتەپ, كورشىلەرىن تارتادى. ولاردىڭ جۇمىسىنىڭ ناتيجەسى اۋلا اۋماعىن تولىق سيپاتتايتىن «اۋلا تولقۇجاتى» بولادى. ونىڭ نەگىزىندە تۇرعىندار, كۋراتورلار مەن ساراپشىلار وسى كوكتەمدە «قالالىق شەبەرحانالار» فورماتىندا سىنالاتىن اۋلالاردى جوبالاۋعا تاپسىرما جاسايدى. مۇنداي ويىن فورماتىندا اۋدان ورتاسىن دامىتۋ بويىنشا بارلىق يدەيالار سىنالادى, سودان كەيىن تەحنيكالىق تاپسىرمالار قاجەت بولعان جاعدايدا تۇزەتىلىپ, جۇمىسقا جىبەرىلەدى.
