وتكەن جىلى وبلىس بيۋدجەتىنەن 2 ميلليارد تەڭگەدەن استام قارجى ارتىلعان بولاتىن. وبلىستىق ەكونوميكا جانە جوسپارلاۋ باسقارماسى باسشىسىنىڭ ورىنباسارى جاننا شايماردانوۆا ارتىلعان قارجىنىڭ ەڭ كوپ بولىگى, ياعني 822 ميلليون تەڭگە دەنساۋلىق سالاسىنا بولىنگەنىن ءمالىم ەتتى. باسقارما قىزمەتكەرى وسى قارجىدان قانشاسى نەگە باعىتتالاتىنىن جىلىكشە شاقتى. مىسالى, قالالىق اۋرۋحانا ءۇشىن تسيفرلىق رەنتگەن جۇيەسى, موبيلدىك حيرۋرگيالىق رەنتگەن اپپاراتى وسى قارجىعا الىنادى, ونىڭ سىرتىندا دارىگەرلەردىڭ بىلىكتىلىگىن كوتەرۋ ءۇشىن 100 ميلليون تەڭگە قاراستىرىلعان. وبلىستىق كوز اۋرۋلارى اۋرۋحاناسىنا لازەرلىك اپپارات پەن ۇزىنكول اۋدانىنداعى اۋرۋحاناعا ناركوز اپپاراتىن الۋ, قاشار كەنتىندەگى جەدەل جاردەمگە ءبىر ەمەس ەكى كولىك پەن قامىستى اۋرۋحاناسىنا جوندەۋ جۇمىستارى دا وسى قارجىنىڭ موينىنا ءىلىندى.
421 ميلليون تەڭگە ءبىلىم باسقارماسىنا تيەسىلى بولدى. بۇل قارجىعا نەگىزىنەن مەكتەپتەرگە جوندەۋ جۇمىستارى جۇرگىزىلۋمەن قاتار, ءبىلىم وشاقتارىنىڭ ماتەريالدىق-تەحنيكالىق بازاسى نىعايتىلاتىن بولادى. بيىل جاستار جىلىندا وبلىستىق جاستار ساياساتى باسقارماسىنا دا قارجى ءبولىندى. وعان كوپتەگەن جوبالار جۇزەگە اسىرىلادى.
وسى قارجىدان وبلىستىق ەنەرگەتيكا جانە كوممۋنالدىق شارۋاشىلىق باسقارماسىنا دا ۇلەس ءتيدى. 400 ميلليون تەڭگە ارقالىق قالاسى ءۇشىن مازۋت الۋعا ءبولىندى. ءماسليحاتتىڭ كەزەكتەن تىس سەسسياسىنا قاتىسقان وبلىس اكىمى ارحيمەد مۇحامبەتوۆ بۇل قارجى وسى جىلىتۋ ماۋسىمىنا عانا ەمەس, الداعى قىسقا دا جەتۋى ءتيىس ەكەنىن ەسكەرتتى. دەپۋتتاتار شەشىمدى ءبىر اۋىزدان قولدادى.
ءنازيرا جارىمبەت,
Egemen Qazaqstan
قوستاناي
