بىرىككەن ۇلتتار ۇيىمىنىڭ دەرەگى بويىنشا, الەم حالقىنىڭ جارتىسىنا جۋىعى جاستار. سول سەبەپتى الەمدىك قوعامداستىق, دامۋ تراەكتورياسىنا اياق باسقان كەز كەلگەن مەملەكەت ادام كاپيتالىنىڭ ماڭىزدى بولىگى رەتىندە جاستارعا, ولاردىڭ الەۋەتىن دامىتۋعا ەرەكشە ءمان بەرەدى.
وسى ورايدا مەملەكەت باسشىسىنىڭ بيىلعى جىلدى جاستار جىلى دەپ جاريالاعانى ەلىمىز ءۇشىن ايرىقشا ماڭىزدى. ەلباسى ن.نازارباەۆ جاستار جىلىنىڭ اشىلۋ سالتاناتىنداعى «تاۋەلسىزدىكتىڭ ۇرپاقتارى» اتتى سوزىندە جاستاردىڭ وزەكتى ماسەلەلەرىنە كەشەندى تۇردە نازار اۋدارعانى ەرەكشە قۋانتادى. قازىرگى تاڭدا مەملەكەت جاساپ وتىرعان مۇمكىندىكتەر IMD حالىقارالىق باسقارۋدى دامىتۋ ينستيتۋتىنىڭ رەيتينگىندە قازاقستاندى ساپالى ورتا بىلىممەن قامتۋ بويىنشا الەمدىك وندىقتىڭ قاتارىنا قوسىپ وتىر. قازاقستان جاستارى الەمنىڭ دامىعان ەلدەرىنىڭ جاستارىمەن تەڭ دارەجەدە باسەكەلەسە الاتىن دارەجەگە جەتتى.
جاستاردىڭ الەۋمەتتىك دامۋىنا, عىلىممەن اينالىسۋىنا, قوعامعا پايدالى بولۋىنا مەملەكەت تاراپىنان ازىرلەنەتىن ەندىگى شارالار ولاردىڭ ۇلتتىق, مادەني مۇراعا, ەل بىرلىگىنە قۇرمەتىن ارتتىرىپ, ىزگىلىك, وتباسى قۇندىلىقتارىن ىلگەرىلەتۋگە مۇمكىندىك بەرەدى دەپ ويلايمىن.
ەندىگى مىندەت – جاستاردىڭ مەملەكەت تاراپىنان جاسالعان مۇمكىندىكتەردى باعالاي ءبىلىپ, ءوز ءىسىنىڭ كاسىبي مامانى, قوعامنىڭ ازاماتتىق جاۋاپكەرشىلىگى مول مۇشەسى بولا بىلۋىندە.
ايبول ارعىنعازينوۆ,
«ەكونوميكالىق زەرتتەۋلەر ينستيتۋتى» اق تالداۋ جانە الەمدىك ەكونوميكا ورتالىعىنىڭ ديرەكتورى
