«كارى قۇدا» قازتالوۆ وڭىرىنە مىرزالىعىن تانىتىپ-اق باعۋدا. ەكى كۇن اشىق بولسا, ءۇشىنشى كۇنى قارى مەن بورانىن الا كەلەدى. بىراق مول قاردان ىعىر بولىپ جاتقان حالىق جوق. اۋداندا جولداردى تازالاۋ, ەلدى مەكەندەرمەن بايلانىستى ۇزبەۋ ءبىر ءسات تە توقتاپ قالمايدى. بۇعان اۋداننىڭ شارۋا ادامدارى دا كومەك قولىن سوزىپ كەلەدى. سونىڭ ءبىر ايعاعى – «قاينار» شارۋا قوجالىعىنىڭ جەتەكشىسى, 70 جاستاعى ماحامبەت بەرماعامبەتوۆ اعامىز جول تالعامايتىن كولىگى ارقىلى قىس قاھارىن جەڭۋگە ۇلەس قوسۋدا. ول ارنايى شىنجىر تابان تەحنيكاسىن (تياگاچ) «ۋاز» كولىگىنە ورناتتى. قانداي قالىڭ قار بولسا دا بۇل تەحنيكا ەشقانداي سىر بەرمەيدى. قازىرگى كۇندە ماحامبەت اعامىز شالعايداعى مال قىستاعىنا وسى كولىكپەن قاتىناس جاساسا, سونىمەن قاتار قازتالوۆ اۋىلدىق وكرۋگىنىڭ باسقا شارۋا قوجالىقتارىنىڭ شارۋالارىنا دا كومەگىن بەرۋدە. سونداي-اق اۋىلدا اعامىزدىڭ بۇل تەحنيكاسىنا سۇرانىس تا كوبەيىپ وتىر.
اسەم بولات
باتىس قازاقستان وبلىسى, قازتالوۆ اۋدانى
