ول بۇدان بىلاي مۋزىكالىق پروديۋسەرلىك جۇمىسىن توقتاتىپ, الداعى ۋاقىتتا كينو تۇسىرۋمەن جانە ساياحاتپەن اينالىسپاق.
– قاجىلىق ساپار بارىسىندا كومەك قولىن سوزعان ادامدار كوپ, ۆەلوسيپەدپەن شىعاتىن بولعاننان كەيىن بە, ەستىگەندەر ەرەكشە قابىلدادى. مەنىڭ ۇشاقپەن دە بارۋعا جاعدايىم بار, ءوزىم جول قيىندىعىن سەزىنەيىن دەپ ءتۇيدىم. جول بويى ادامداردىڭ ىقىلاسىن سەزىنىپ, ادامداردىڭ ءبىر-بىرىنە دەگەن يماندىلىق يشاراتتارىن بىلدىرەتىن عاجايىپ سەزىمدى باستان وتكەرۋدىڭ ءجونى بولەك قوي. جولعا قۇران كىتابىن الدىم, ازىعىم دا, سەرىگىم دە سول بولاتىن سياقتى. ساپارعا شىعار الدىندا تۇركىستانعا بارىپ ءمىناجات ەتتىم, شىمكەنتكە سوعىپ, ۆەلوسپورت بەلسەندىلەرىمەن جۇزدەستىم, – دەيدى تالعات جۇمابەكوۆ.
جيھانكەز قۇداي بۇيىرتىپ ساپارىنان ءساتتى ورالسا, جولدا كورگەن, تۇيگەندەرى تۋرالى جاقسىلاپ تاعى دا ءبىر اڭگىمەلەرمىز. ۇزاق جولدىڭ ساتتىلىگىن بەرسىن. ەكىنىڭ ءبىرى تاۋەكەل ەتە بەرمەيتىن مۇنداي جولساپاردى شىن مانىندە ساۋلەلى ساپار دەپ اتاۋعا ابدەن بولاتىنداي.
ساپارباي پارمانقۇل,
«Egemen Qazaqstan»
الماتى
