«وتكەن جىلى 12 ايدىڭ ىشىندە جەرگىلىكتى اتقارۋشى ورگاندارمەن مەديتسينالىق مەكەمەلەردى كومپيۋتەرمەن جابدىقتاۋ, ينتەرنەت جەلىسىن جەتكىزۋ جانە ارنايى مەديتسينالىق اقپاراتتىق جۇيەلەردى ورناتۋ سياقتى ءۇش باعىت بويىنشا جۇمىس اتقاردىق. 2019 جىلدىڭ قاڭتارىنداعى كورسەتكىشكە سۇيەنسە, وسى ءۇش باعىت بويىنشا ورتالىق اۋداندارعا دەيىنگى 99,8 پايىز مەديتسينالىق مەكەمە قامتىلعان. وسىلايشا, مەديتسينا سالاسىنداعى ەسەپ بەرۋدىڭ 121 ءتۇرى ونلاين جۇيەگە تولىقتاي كوشتى. سونىڭ ناتيجەسىندە ءبىز 250 ميلليون تەڭگەنى ۇنەمدەپ وتىرمىز. بۇرىن ول اقشاعا قاعاز, فليۋروپلەنكا جانە تاعى باسقا زاتتار ساتىپ الىناتىن», دەدى ولجاس ابىشەۆ.
ۆيتسە-مينيستر اۋىل ەمحانالارىنىڭ تولىعىمەن ەلەكتروندى فورماتقا اۋىسۋى 2021 جىلى اياقتالاتىنىن ايتتى.
«بيىل ءبىز وسى سالاداعى جۇمىستى جالعاستىراتىن بولامىز. سەبەبى اۋدان دەڭگەيىنەن تومەن مەديتسينالىق مەكەمەلەردە ينتەرنەت ءالى جوق. اقپارات جانە كوممۋنيكاتسيالار مينيسترلىگىمەن بىرلەسە وتىرىپ, 2021 جىلعا دەيىن اۋىل ەمحانالارىن دا تولىعىمەن ەلەكتروندى فورماتقا اۋىستىرۋدى جوسپارلاپ وتىرمىز», دەدى ول.
مايگۇل سۇلتان,
«Egemen Qazaqstan»
