ونىڭ ايتۋىنشا, ەلىمىزدە تۇڭعىش پرەزيدەنتى قورى, قازاقستاننىڭ ىسكەر ايەلدەر قاۋىمداستىعى مەن «حابار» اگەنتتىگى ۇيىمداستىرعان بايقاۋ جالعاسۋدا.
«قايىرىمدىلىق كەرۋەنى» قايىرىمدىلىق يدەياسىن ناسيحاتتاۋ, بەلسەندى ازاماتتىق باستامانى دامىتۋ ماقساتىندا وتكىزىلىپ جاتىر. وعان وزدەرىنىڭ ىزگى ىستەرىمەن الەۋمەتتىك, قوعامدىق ماسەلەلەردى شەشۋگە ۇلەس قوسىپ, وزگەلەرگە ۇلگى بولىپ جۇرگەن جەكە جانە زاڭدى تۇلعالار قاتىسا الادى», - دەدى سپيكەر.
وبلىستىق ىشكى ساياسات باسقارماسى باسشىسىنىڭ ورىنباسارى ايبەك كۋپەنوۆ وڭىردە قايىرىمدىلىق مادەنيەتى بەلسەندى دامىپ كەلە جاتقانىن اتاپ ءوتتى.
«اتاپ ايتقاندا, حالقىمىزدىڭ سالت-ءداستۇرىنىڭ رۋحاني بايلىعىن ناسيحاتتايتىن «اتامەكەن-اتالار. اسىلىم – اجەلەر» اقساقالدار ءانسامبلى اعىمداعى جىلى بارلىق شالعاي اۋىلدارعا كونتسەرت قويادى. بىزدە «تۋعان جەرگە تاعزىم» اكتسياسى ءۇشىنشى جىل وتكىزىلدى, ونىڭ اياسىندا 2,8 ملرد.تەڭگەنى قۇرايتىن 811 جوبا جۇزەگە اسىرىلدى. ەرىكتىلەر قوزعالىسى جۇمىس جاسايدى», - دەدى اقتوبەلىكتەردى «قايىرىمدىلىق كەرۋەنىنە» شاقىرعان ايبەك كۋپەنوۆ .
لاۋرەاتتار بەس نوميناتسيا بويىنشا ىرىكتەپ الىنادى دەپ جوسپارلانىپ وتىر. «اسار» نوميناتسياسى بويىنشا قايىرىمدىلىق قىزمەتى حالىقتىڭ سالت-داستۇرلەرىمەن بايلانىستى قازاقستاندىقتار ماراپاتتالادى. «تۋعان جەر» نوميناتسياسى بويىنشا ءبىلىم بەرۋ, ەكولوگيا جانە اباتتاندىرۋ سالاسىندا تۋعان ولكەسىنە كومەكتەسكەندەردىڭ ەسىمى اتالاتىن بولسا, «باتىل جۇرەك» لاۋرەاتى بولىپ ەرلىك جاساعان نەمەسە جانكەشتىلىك كورسەتكەن ادام ماراپاتقا يە بولادى. ىزگى ىستەر جاسايتىندار «مەيىرىم جولىندا» نوميناتسياسى بويىنشا ىنتالاندىرىلادى. «قايىرىمدىلىق تاريحى» نوميناتسياسىنا باق-دا جۇرتشىلىقتىڭ نازارىن الەۋمەتتىك ماسەلەلەرگە اۋداراتىن, قايىرىمدىلىق تاقىرىبىن جاريالايتىن جۋرناليست نەمەسە شىعارماشىلىق ۇجىم ۇمىتكەر بولا الادى.
قازاقستاننىڭ بارلىق وڭىرلەرىنەن ۇمىتكەرلەردى ىرىكتەۋ 2018 جىلدىڭ قاراشا ايىنان باستاپ 2019 جىلدىڭ اقپان ايىنا دەيىن جۇرگىزىلەدى. جەڭىمپازدار العىس ايتۋ كۇنىن مەرەكەلەۋ قارساڭىندا انىقتالادى.
