س.مىڭباەۆ «قورعاس» شىحو», «KTZE – Khorgos Gateway» قۇرعاق پورتىنا جانە التىنكول ستانتسياسىنا باردى.
التىنكول ستانتسياسىندا كومپانيا باسشىسى جەرگىلىكتى ينفراقۇرىلىممەن, كونتەينەرلىك پويىزداردى وڭدەۋدىڭ تەحنولوگيالىق پروتسەستەرمەن تانىستى.
2018 جىلى التىنكول-قورعاس شەكارالىق وتپەسى ارقىلى جۇك تاسىمالىنىڭ كولەمى 2709 مىڭ توننانى قۇراسا, بۇل 2017 جىلعىدان 66% ارتىق. 916 كونتەينەرلىك پويىز جونەلتىلسە, بۇل 2017 جىلدان ەكى ەسەگە كوپ.
2018 جىلدىڭ قاڭتار-جەلتوقسانىندا قۇرعاق پورتتا 133, 9 مىڭ جفە تيەلسە, بۇل 2017 جىلعىدان 1,4 ەسە استى.
«قورعاس-شىعىس قاقپاسى» اەا اكىمشىلىكتىك عيماراتى مەن قۇرعاق پورت نىساندارىن ارالاۋ بارىسىندا رسS جوباسى, نوماد, جۇيەسى, مونيتورينگىلىك ورتالىق, سونداي-اق East Gate Partners, Verno, «فەنيكس فيد ميللس» جشس, Hubei Kelison ينۆەستيتسيالىق جوبالارى تانىستىرىلدى.
«قورعاس» شىحو كومپانيا باسشىسىنا ورتالىق نىساندارىن سالۋ بارىسى تۋرالى اقپارات بەرىلىپ, سونىمەن بىرگە قازىرگى كەزدەگى جۇزەگە اسىرىلىپ جاتقان ينۆەستيتسيالىق جوبالار تانىستىرىلدى. 2018 جىلى عيماراتتارىنىڭ اۋماعى 193000 شارشى مەتر جانە جالپى اۋماعى 32,7 گەكتارلىق قۇرىلىس الاڭدارى بار 12 ينۆەستيتسيالىق كومپانيا تارتىلدى.
«قورعاس» شىحو جۇمىسىن باستاعالى بەرى ينۆەستيتسيالىق نىساندار قۇرىلىسىن جۇرگىزۋگە 21 كەلىسىم-شارت جاسالدى, ينفراقۇرىلىمدىق نىسانداردى قوسپاعاندا جەر ۋچاسكەلەرىنىڭ اۋماعى 113,5 گەكتار, ال عيماراتتار الاڭدارى 805,4 مىڭ شارشى مەتر.
س.مىڭباەۆ سونداي-اق نۇركەنت قالاسىنىڭ تىنىس-تىرشىلىگىن قامتاماسىز ەتەتىن ينفراقۇرىلىمداردى دامىتۋ, الەۋمەتتىك ماسەلەلەردى شەشۋ جايىنان حاباردار بولدى.
