«تاۋەلسىزدىك ۇرپاقتارى» اتتى جاستار جىلىنىڭ اشىلۋ سالتاناتىندا سويلەگەن سوزىندە مەملەكەت باسشىسى جاستارعا قاتىستى وزەكتى ماسەلەلەردى تاراتا ايتىپ, ءتۇرلى سالالار بويىنشا قولعا الىناتىن باستامالارعا قولداۋ كورسەتىلەتىنىن اتاپ كورسەتتى.
بۇگىندە قوعامنىڭ دامۋى دا, تەحنولوگيانىڭ ءوسۋى دە وتە شاپشاڭ, قارقىندى. كوز ىلەسپەس جىلدامدىقپەن بارلىق سالالاردا پايدا بولىپ, ورنىقتى. الدىمىزدا قازاقستاندى الدىڭعى قاتارلى مەملەكەتتەردىڭ ساپىنا قوسۋ سەكىلدى ىرگەلى مىندەتتەر تۇر. باعدارىمىز ايقىن. وسىعان وراي بيىل دا ماڭىزدى شەشىمدەردىڭ ورىندالىپ, قوردالانعان ماسەلەلەردىڭ ءتۇيىنى تارقاتىلارىنا سەنىمدىمىز. قاراپ وتىرساق, ەلىمىزدە وسكەلەڭ ۇرپاق ءۇشىن جاسالىپ جاتقان قامقورلىقتار كوپ. وعان ءبىز ناقتى ىسپەن جاۋاپ بەرىپ, مۇمكىندىكتەردى ءتيىمدى پايدالانۋعا, باستامالاردى قولداۋعا جەكە ۇلەسىمىزدى قانشالىقتى قوسىپ ءجۇرمىز دەگەن ساۋال توڭىرەگىندە ءبىر ءسات ويلانعان ارتىقتىق ەتپەيدى. ويتكەنى, پرەزيدەنتىمىز اتاپ وتكەندەي جاستار بەلسەنە ارالاساتىن شارۋالار جەتىپ ارتىلادى. ءبىز دە بىرقاتار وزىق جوبالاردى جۇزەگە اسىرۋدى ويلاستىرىپ وتىرمىز. ماسەلەن, وسى جىلى «جاس وتان» موبيلدىك قوسىمشاسىن ىسكە قوسپاق ويىمىز بار. سونىمەن قاتار «CUBER ارەنا» باعدارلاماسىنا قاتىسۋشىلار قۇرامىن جاساقتاپ, جاستار اراسىندا كيبەرسپورتتىق ويىندار جەلىسىن كەڭىنەن تاراتۋعا جەدەل كىرىسەتىن بولامىز.
بۇگىنگى تاڭدا «جاس وتان» جاستار قاناتىنا ون مىڭنان استام ادام مۇشە. وبلىس ورتالىعىندا, بارلىق اۋدانداردا, م.قوزىباەۆ اتىنداعى سقمۋ مەن سەگىز كوللەدجدە «جاس وتان» ورتالىقتارى جۇمىس ىستەيدى. «نۇر وتان» پارتياسىنىڭ ۇستىمىزدەگى جىلى قولعا العان «English for jastar» قاناتقاقتى جوباسى بويىنشا شەتەلدەن كەلگەن ەرىكتىلەرمەن بىرگە ءبىزدىڭ جاسوتاندىقتار التى اۋداندا 500-دەن اسا مەكتەپ وقۋشىسىنىڭ اعىلشىنشا سويلەۋ شەبەرلىكتەرىن جەتىلدىردى. الداعى ۋاقىتتا جوبانى وقۋشىلاردىڭ جازعى دەمالىسى كەزىندە ۇردىسكە اينالدىرامىز. ۇزدىك IT-جوبالار مەن اقپاراتتىق تەحنولوگيالاردى قولداۋعا باعىتتالعان «NURINTECH» جوباسى دا جاستار ءۇشىن ۇلكەن مۇمكىندىكتەرگە جول اشارى انىق.
قولدانىستاعى كىتاپحانالاردى زاماناۋي ءبىلىم تاراتۋ ورتالىقتارىنا اينالدىرۋ شارالارىن ودان ءارى جانداندىرا تۇسەمىز. بۇگىندە وبلىستا وسىنداي 14 ورتالىق جۇمىس ىستەيدى. زاماناۋي ورتالىقتاردا ءتۇرلى تاقىرىپتىق كەزدەسۋلەر, پىكىرسايىستار مەن ترەنينگتەر ۇيىمداستىرىلىپ, ەرەكشە تولعاندىراتىن وزەكتى دە وتكىر ماسەلەلەر تالقىلانادى.
بىلتىر «ارداگەرلەردى ارداقتايىق» جوباسى اياسىندا ارداگەرلەرگە, تىل ەڭبەككەرلەرى مەن جالعىزىلىكتى زەينەتكەرلەرگە جۇيەلى قايىرىمدىلىق شارالارى كورسەتىلسە, بيىل ءار ۇيگە جەكە قامقورشىلار بەكىتىلىپ بەرىلدى. جەتىم بالالار ۇيلەرىنە دە بارىپ, از قامتىلعان وتباسىلارعا دا كومەك قولىن سوزۋدى نازاردان تىس قالدىرعان ەمەسپىز. سوكولوۆ, پولۋدين بالالار ۇيلەرىنە, پەتروپاۆل قالاسىنداعى وتباسىلىق ۇلگىدەگى بالالار اۋىلىنا جانە كامەلەتتىك جاسقا تولماعانداردى بەيىمدەۋ ورتالىعىنا ءجيى بارىپ تۇرامىز.
ادام ەڭبەكقور بولىپ, ءوز كاسىبىن جاقسى مەڭگەرگەندە جانە لايىقتى جالاقى الۋعا نەمەسە جەكە كاسىپ اشىپ, ونى دامىتۋعا مۇمكىندىك بولعان كەزدە تابىستىڭ ارتارى ءسوزسىز. جاسىراتىنى جوق, كەي جاستارىمىز ۇكىمەت تاراپىنان ۇسىنىلاتىن جەڭىلدىكتى باعدارلامالارعا قاتىسۋدىڭ جاي-جاپسارىن بىلە بەرمەيدى. وسى سەبەپتى ەلباسى «شاعىن نەسيە بەرۋدىڭ جانە وقىتۋ ءىسىنىڭ وڭ تاجىريبەسىندە بارلىق وڭىردە جاس كاسىپكەر باعدارلاماسىن ازىرلەۋدى تاپسىردى. بۇل جوبا شەڭبەرىندە جىل سايىن ءبىلىم الاتىن جۇمىسسىز جاستار مەن ءوزىن-ءوزى جۇمىسپەن قامتىعانداردىڭ سانىن 100 مىڭعا دەيىن جەتكىزۋ مىندەتى قويىلدى. ءبىز وسى باعىت بويىنشا «بيزنەس-مەنتور» جوباسىن جۇزەگە اسىرۋدى ودان ءارى جالعاستىرامىز. ونىڭ تيىمدىلىگىن تاجىريبە ايقىن كورسەتىپ وتىر. جاستار ديالوگتىق الاڭداردا وڭىرىمىزدەگى تاجىريبەلى كاسىپكەرلەرمەن كەزدەسىپ, ءوز ىستەرىن اشۋ ءۇشىن اقىل-كەڭەستەرگە جۇگىنەدى. باعىت-باعدارلار بەرىلەدى. بىرنەشە كەزدەسۋ ۇيىمداستىرىلىپ, قاتىسۋشىلار قاتارىندا بيزنەستىڭ قىر-سىرىن مەڭگەرىپ شىققاندارى, جاڭا ماماندىققا يكەمدەلگەندەرى , كاسىپ اشقاندارى جوق ەمەس.
پرەزيدەنت جاستاردىڭ جۇمىسسىزدىق ماسەلەسىنە الاڭداۋشىلىق ءبىلدىردى. جاستار ساياساتىنداعى نەگىزگى ماسەلەلەردىڭ ءبىرى وسى ساناتتاعىلاردى تۇراقتى جۇمىسپەن قامتۋ. مەكتەپ ءبىتىرۋشى تۇلەكتەردىڭ رەسەيگە, باسقا ەلدەرگە كەتۋىنىڭ ءبىر سىرى–جۇمىسسىزدىق. سوندىقتان شەكارا اسقان جاستاردى ەلگە ورالتۋدىڭ, مۇمكىندىگىنشە اتتەستات العاننان كەيىن ەلدە قالدىرۋدىڭ جولدارىن ۇتىمدى جۇرگىزبەي بولمايدى. قازىر تەحنيكالىق ماماندىقتارعا سۇرانىستىڭ ارتىپ وتىرعانىن ەسكەرە وتىرىپ, كوپ ءپروفيلدى كاسىپ يەلەرى بولۋىنا جان-جاقتى جاعداي تۋدىرعان ءلازىم.
جاستار جىلىندا قولعا الىناتىن ءتيىمدى جوبالار مەن يگى ىستەرىمىز جەتەرلىك. بىزگە ۇلكەن سەنىم ارتىلعان ەكەن, ءۇمىتتى اقتاۋ–باستى مىندەتىمىز.
ابىلايحان قايروللاەۆ,
«جاس وتان» جاستار قاناتى وبلىستىق فيليالىنىڭ توراعاسى
سولتۇستىك قازاقستان وبلىسى
