18 قاڭتاردا پانفيلوۆ اۋداندىق ىشكى ىستەر باسقارماسىنا بەلگىسىز ەر ادام تەلەفون سوعىپ, كوكتال اۋىلىنىڭ اكىمدىگىنە ورنالاسقان ۋچاسكەلىك ينسپەكتوردىڭ جۇمىس بولمەسىنە جارىلعىش زات قويىلعانى تۋرالى حابارلاعان. «102» جەلىسى بويىنشا بۇل اقپارات اۋداننىڭ بارلىق ارناۋلى قىزمەتىن اياعىنان تىك تۇرعىزىپ, ءتارتىپ ساقشىلارى اۋىل اكىمدىگى قىزمەتكەرلەرى مەن سول ماڭداعى 6 ءۇيدىڭ تۇرعىندارىن قاۋىپسىز جەرگە كوشىرگەن.
مۇنان كەيىن اۋىل اكىمدىگىنىڭ عيماراتىن ساپەرلار مۇقيات تەكسەرىپ, ەشقانداي جارىلعىش زات تاپپادى. قازىر انىقتالعان كۇدىكتىگە زاڭ تالابى بويىنشا «لاڭكەستىك تۋرالى جالعان اقپارات تاراتۋشى» رەتىندە ايىپ تاعىلدى.
قالماحانبەت مۇقامەتقالي,
«Egemen Qazaqstan»
الماتى وبلىسى
