ءبىرىنشى كەزەڭدە ەسەپ اشىلماعانىمەن, ۇزىلىستەن كەيىن قارقىنىن كۇرت كۇشەيتكەن استانالىق حوككەيشىلەر قاتارىنان ەكى شايبانى قاقپاعا ەنگىزدى. بۇل گولداردىڭ اۆتورلارى – الەكسەي ماكليۋكوۆ پەن داررەن ديتس. ءۇشىنشى كەزەڭدە اندرەي چيبيسوۆ مەرگەندىك تانىتىپ, ەسەپ ايىرماشىلىعىن قىسقارتتى. كەزدەسۋدىڭ سوڭعى مينۋتىندا ايدىن يەلەرى قاقپاشىنى شابۋىلشىمەن الماستىرىپ, تارازى باسىن تەڭەستىرۋ جاعىن ويلاستىردى. الايدا وتە ساۋاتتى ويناعان «بارىستىڭ» ورەندەرى ماتچتىڭ اياقتالۋىنا ساناۋلى سەكۋندتتار قالعاندا تاعى ءبىر گول سوقتى. بۇل جولى داستين بويدتىڭ اسقان شەبەرلىگىنە قۇلشىنا قول سوقتىق.
قازىرگى كەزدە «بارىس» تۇراقتى بىرىنشىلىكتە التىنشى ورىندا كەلەدى. 50 كەزدەسۋدەن كەيىن ولار 71 ۇپاي جيىپ وتىر. سونداي-اق, ءتورتىنشى جانە بەسىنشى ساتىعا تۇراقتاعان ءياروسلاۆلدىڭ «لوكوموتيۆى» مەن ومبىنىڭ «اۆانگاردىنىڭ» دا ەنشىسىندە ءدال سونداي ۇپاي بار. دەسەك تە ءبىزدىڭ كوماندانىڭ ولاردان بىرنەشە ويىنى كەم. ولاي بولسا, الداعى ۋاقىتتا ايتۋلى كلۋبتاردى «بارىستىڭ» باسىپ وزۋىنا تاماشا مۇمكىندىگى بار.
عالىم سۇلەيمەن,
«Egemen Qazaqstan»
