كەزدەسۋ بارىسىندا قوس تاراپ ىنتىماقتاستىق تۋرالى مەموراندۋمعا قول قويىپ, بىرقاتار مىندەتتى بىرلەسىپ شەشۋدى جوسپارلادى.
بۇل مىندەتتەردىڭ قاتارىندا شىمكەنت قالاسىنىڭ قورشاعان ورتاسىن جاقسارتۋ بويىنشا بىرلەسكەن كەشەندى شارالاردى جۇرگىزۋ, تومەنگى كومىرتەكتى دامۋ قاعيداتتارىن پايدالانا وتىرىپ, شىمكەنتتىڭ جالپى ەكولوگيالىق جاعدايىن جاقسارتۋ ستراتەگياسىن ازىرلەۋ جايى ءسوز بولدى.
سونداي-اق, وسى ماقساتتا سۇحبات الاڭىن قۇرۋ, قازاقستاننىڭ «جاسىل ەكونوميكاعا» كوشۋى جونىندەگى تۇجىرىمداماسىن ىسكە اسىرۋ بويىنشا ىنتىماقتاستىق شارالارىن وتكىزۋگە ۋاعدالاستى.
ءوز كەزەگىندە شاھار باسشىسى ءابدىراحىموۆ بىرلەسكەن جۇمىس قالاداعى سالاماتتى ورتانى ساقتاۋعا, ەكولوگيالىق ينفراقۇرىلىمدى دامىتۋ مەن يننوۆاتسيالاردى جىلجىتۋعا, قورشاعان ورتانىڭ لاستانۋىن تومەندەتۋ جونىندەگى شارالاردى ازىرلەۋگە باعىتتالاتىنىن ايتىپ ءوتتى.
نۇرشات توكەن,
«Egemen Qazaqstan»
