«مەن 26 جاستامىن. ماماندىعىم - مەتاللۋرگ. 20 جاسىمنان باستاپ اقسۋ فەرروقورىتپا زاۋىتىندا جۇمىس ىستەپ كەلەمىن. قازىرگى ۋاقىتتا جۇمىستا ماستەر لاۋازىمىندا ەڭبەك ەتەمىن. ءوز جۇمىسىمنىڭ مىندەتتەمەلەرىنەن بولەك, مەن زاۋىتتىڭ قوعامدىق ومىرىنە بەلسەنە ارالاسىپ ءجۇرمىن. جاستار كەڭەسىنىڭ عىلىمي جۇمىس بويىنشا بەلسەندىسىمىن. ءارتۇرلى عىلىمي-تەحنيكالىق كونفەرەنتسيالاردان قالماۋعا تىرىسامىن. سونىمەن بىرگە, پاۆلودار وبلىسىنىڭ جاستار كاسىپوداعىنىڭ مۇشەسىمىن», - دەدى الەكساندر شۋتوۆ.
جاس مەتاللۋرگتىڭ ايتۋىنشا, زاۋىتتاعى مەتاللۋرگتەردىڭ كوپشىلىگى - كرەاتيۆتى جاستار. ولاردىڭ ءبارى دە زامانعا ساي يدەيالاردىڭ باستاماشىسى بولىپ وتىر.
«بۇل يدەيالار ءوندىرىستى ارتتىرىپ قانا قويماي, الەۋمەتتىك سالادا دا ماڭىزىن كورسەتىپ كەلەدى. جاستار تۇرمىستىق قالدىقتاردى وڭدەۋ, اۋلالاردى جاقسارتۋ, بالالارعا ارنالعان الاڭداردىڭ ىرگەسىن قالاۋ سەكىلدى ماڭىزدى جوبالاردى جۇزەگە اسىرۋدا. پەشتە جۇمىس ىستەۋ ەڭبەككە دەگەن سۇيىسپەنشىلىگىمدى تۋعىزدى. كاسىپورىندا جۇمىس ىستەگەن ۋاقىتتا مەملەكەتتىك دەڭگەيدەگى وزگەرىستەرگە كۋا بولعانىمدى ايتا كەتكىم كەلەدى», - دەيدى الەكساندر شۋتوۆ.
ءسوز سوڭىندا مەتاللۋرگ بارشا جاستىڭ اتىنان ەلباسىعا العىسىن جەتكىزدى.
ء«سوز سوڭىندا ماماندىق تاڭداۋ الدىندا تۇرعان جاستارعا ۇندەۋ تاستاعىم كەلەدى. ءوندىرىس - ءوز الەۋەتىڭدى تانىتۋدىڭ كەرەمەت مۇمكىندىگى. ەڭبەك جولىن وندىرىستە باستاي وتىرىپ, كوپ ماقساتقا جەتۋگە بولادى. پرەزيدەنت نۇرسۇلتان ءابىش ۇلى وسى رەتتە بىزگە جارقىن ۇلگى بولىپ تابىلادى» دەپ ءتۇيدى ءسوزىن الەكساندر شۋتوۆ.
