ايشولپان ارمان-ۇسىنىستارىن ءبىلدىرىپ, سالت-ءداستۇرىمىزدى دارىپتەۋگە شاقىردى.
«استانادا جانە باسقا قالالاردا قازاقتىڭ سالت-ءداستۇرىن وقىپ-ۇيرەتەتىن ورتالىقتار, سونىڭ ىشىندە بۇركىتشىلەر مەكتەبى اشىلسا دەگەن ارمانىم بار» دەدى ول.
ءسوز سوڭىندا بويىنداعى قازاققا ءتان قوناقجايلىعىن تانىتىپ, نۇرسۇلتان نازارباەۆتى ءدام تاتۋعا شاقىردى.
«مەن موڭعوليادا تۋىپ-وسسەم دە, اتامەكەنىم – قازاقستاندى ەشقاشان ۇمىتپادىم. سول التايداعى از قازاقتىڭ اماناتى بار ەدى. ءسىزدى بايولكەگە قوناق بولۋعا شاقىرامىز, اق داستارقاننان ءدام تاتىپ كەتسەڭىز - الىستاعى اعايىننىڭ رۋحى ءبىر جاساپ قالار ەدى» دەدى ايشولپان.
ايتا كەتەيىك, بۇركىتشى قىزدىڭ ەرەكشە قىزىعۋشىلىعىن امەريكالىق رەجيسسەر دەرەكتى فيلمگە ارقاۋ ەتسە, اۆستريالىق ءانشى Sia بەينەباياننىڭ نەگىزگى جەلىسىنە اينالدىرعان بولاتىن.
