«مەن ۇلكەن سەنىممەن ارماندار ورىندالادى دەگىم كەلەدى. ەلباسىنىڭ الدىندا ءسوز سويلەۋ مەنىڭ بالا كۇنگى ارمانىم بولاتىن. بۇل ماقساتقا جەتۋ, ارينە, وڭايعا تۇسپەدى. مەملەكەت باسشىسىنىڭ الدىندا ءسوز سويلەۋ ءۇشىن كوپتەگەن جەتىستىككە جەتىپ, بيىك بەلەستەردى باعىندىرۋ كەرەك. قازىر جاستارعا ەرەكشە كوڭىل ءبولىنىپ جاتىر. مەملەكەتتىڭ بۇل قولداۋى ءبىز ءۇشىن ۇلكەن باقىت» دەدى ول.
سونداي-اق راسۋل ابدۋللاەۆ ءوز جۇمىسىنىڭ ناتيجەسىمەن بولىسىپ, مەملەكەت دامۋىنا ۇلەس قوساتىن ماركەتينگ مينيسترلىگى اتتى جاڭا جوباسىن ۇسىندى.
«بۇل - قازاقستاندى الەمدىك ارەناعا شىعارۋ ءۇشىن تاپتىرماس جوبا بولماق. سونداي-اق بۇل ەلدەگى بارلىق ۆەدومستۆولاردىڭ جۇمىسىنىڭ العا باسۋىنا ۇلەس قوساتىن ارنايى پلاتفورماعا اينالادى. «رۋحاني جاڭعىرۋ» سەكىلدى يدەولوگيالىق باعدارلامالاردىڭ ماڭىزىن تەك قانا ەلدەگى ازاماتتار عانا ەمەس, سونداي-اق شەتەلدىكتەر دە بىلەتىن بولادى. بۇل ءىستى جاساۋعا ارنايى كاسىبي توپ جاساقتادىق. بىزگە مەملەكەتتەن قولداۋ عانا قاجەت. ەگەر بۇل جوبا جۇزەگە اسسا, الەمدەگى ەڭ ءبىرىنشى ماركەتينگ مينيسترلىگى بولادى» دەدى جاس كاسىپكەر.
ەلباسىنىڭ قاتىسۋىمەن ءوتىپ جاتقان «تاۋەلسىزدىك ۇرپاقتارى» اتتى جاستار جىلىنىڭ اشىلۋ سالتاناتىنا ەلىمىزدىڭ ەڭ بەلسەندى, تابىستى جاستارى قاتىسىپ جاتىر. ءدال قازىر رەسپۋبليكانىڭ بارلىق ايماعىنىڭ جاستارى, ونىڭ ىشىندە 115 جوو مەن 479 كوللەدج ستۋدەنتتەرى ينتەرنەت ارقىلى ونلاين رەجيمگە شىقتى.
