ءىجو-ءنىڭ ءوسۋ قارقىنى 12 اي ىشىندە تومەندەپ, ورتاشا ەسەپپەن العاندا 6,6%-دى قۇرادى. ايتا كەتەيىك, بۇل كورسەتكىش رەسمي بولجامدارمەن سايكەس كەلدى. ىشكى جالپى ءونىم 13 تريلليون دوللاردان استى.
قىتايدىڭ مەملەكەتتىك ستاتيستيكالىق باسقارماسى ەكونوميكالىق جاعدايدىڭ ناشارلاۋىن قحر مەن اقش اراسىنداعى ساۋدا-ساتتىق سوعىسپەن بايلانىستىرادى.
«اقش پەن قىتاي اراسىنداعى ساۋدا داۋلارى وسى ەكى ەلدىڭ, باسقا دا مەملەكەتتەردىڭ ەكونوميكاسىنا تەرىس اسەرىن تيگىزەدى. ارينە, ءبىز ءتۇرلى شارالار قولدانىپ, دامۋعا قول جەتكىزدىك. قىتاي مەن اقش ىنتىماقتاستىعى ەكونوميكالىق تۇرعىدان العاندا ەكى تاراپقا دا پايدالى, ال كونفرونتاتسيا جاعدايىندا ەكەۋى دە ۇتىلادى. نەگىزى قحر مەن قۇراما شتاتتاردىڭ ىنتىماقتاستىعىنىڭ ءتيىمدى جاعى كوپ, ال اراداعى كەلىسپەۋشىلىك الەمنىڭ بارلىق مەملەكەتتەرىنە اسەر ەتەدى», - دەپ مالىمدەدى مەملەكەتتىك ستاتيستيكالىق باسقارما باسشىسى نين تسزيچجە.
وتكەن جىلى قىتاي مەن اقش اراسىندا ساۋدا-ساتتىق سوعىسى ءورشىپ كەتتى. ونىڭ ەڭ سوڭعى كورىنىسى - قۇراما شتاتتاردىڭ قىتايدان كەلگەن 200 ميلليارد دوللارلىق تاۋارعا 10 پايىزدىق باج سالىعىن ەنگىزۋى. بۇعان جاۋاپ رەتىندە پەكين امەريكاندىق ونىمدەردى 60 ميلليارد دوللار كولەمىندەگى ءونىمدى جەتكىزۋ بويىنشا تاريفتەردى 5 جانە 10 پايىزعا كوتەردى.
ەكى ەل كوشباسشىسى جەلتوقساندا ءۇش ايلىق بەيبىت كەلىسىمگە كەلدى.
