كۇنتىزبەگە ساي قازاقستانداعى فۋتبول ماۋسىمى 3 ناۋرىز كۇنى قازاقستان سۋپەركۋبوگىمەن اشىلادى. وندا 2018 جىلعى ەل چەمپيونى «استانا» مەن قازاقستان كۋبوگىنىڭ جەڭىمپازى «قايرات» كوماندالارى كەزدەسەدى. ال پرەمەر-ليگانىڭ ءبىرىنشى تۋر ويىندارى 9-10 ناۋرىز كۇندەرى وتسە, سوڭعى تۋر ماتچتارى 10 قاراشادا وتەدى دەپ جوسپارلانعان.
10 ساۋىردە قازاقستان كۋبوگى ويىندارىنىڭ 1/8 فينال كەزەڭى باستاۋ السا, 22 قىركۇيەك كۇنى فينالدىق ويىن وتەدى. سونىمەن قاتار 18-26 ناۋرىز, 3-11 ماۋسىم, 2-10 قىركۇيەك, 7-15 قازان جانە 11-19 قاراشا كۇندەرى فيفا-نىڭ رەسمي كۇنتىزبەسى دەپ بەكىتىلدى. بۇل ۋاقىت ارالىعىندا ۇلتتىق قۇراما فۋتبولشىلارى 2020 جىلعى ەۋروپا چەمپيوناتىنا ىرىكتەۋ ماتچتارى مەن ۇلتتار ليگاسىنىڭ رەسمي ويىندارىن وتكىزەدى.
دايىنداعان ءالي بيتورە,
«Egemen Qazaqstan»
