اۋدارما • 22 قاڭتار، 2019

جۇرگىزۋشىسىز كولىكتەرگە جاسالعان شابۋىل

323 رەتكورسەتىلدى

قازان ايى ەدى. شابۋىلداۋشى پاركتەن شىعىپ، قۇرباندىعىنا قاراي بەت الدى. باستى – نىسانا Google-عا قاراستى وزدىگىنەن جۇرەتىن كولىكتەردى قامتاماسىز ەتەتىن Waymo كومپانياسىنا تيەسىلى فۋرگون. 

چاندلەردەگى Waymo فۋرگونى. قالا تۇرعىندارى قاۋىپسىزدىك پەن جۇمىستىڭ جوعالۋىنا قاتىستى بيلىككە ءجيى شاعىم تۇسىرەدى. كەيتلين و’حارا، «نيۋ-يورك تايمس»

سيمون رومەرو،

«نيۋ-يورك تايمس» – چاندلەر (اقش)

ول كولىكتىڭ دوڭگەلەكتەرىن جارىپ، كوزدەن تاسا بولدى. جالپى، ەكى جىلدان بەرى جيىرما شاقتى رەت چاندلەردەگى وزدىگىنەن جۇرەتىن ماشينالاردىڭ دوڭگەلەك تەسىپ كەتكەن-ءدى. Waymo كومپانياسى قالادا 2017 جىلدان بەرى فۋرگونداردى سىناقتان وتكىزىپ جاتىر. قالا تۇرعىندارى جاساندى ينتەللەكتىڭ دامۋىنا قارسى كوزقاراس ۇستانعان. قاۋىپسىزدىكتەن باستاپ، جۇمىس ءتۇرىنىڭ جويىلىپ كەتۋ ىقتيمالدىعىن ءجيى كوتەرەدى.

كەيبىرەۋلەر Waymo فۋرگوندارىن تاسپەن ءبۇلدىرىپ كەتكەن. كەيبىرى كولىكتەردى بارىمتالاپ كەتۋگە دە تالپىنىپ كوردى.

قاۋىپتى جاعدايلار دا كەزدەسەدى. بىردە 22-كاليبرلى رەۆولۆەردەن Waymo اۆتوكولىگىن اتىپ، ارتىنشا جەدەل كومەككە كەلگەن كومپانيا قىزمەتكەرىنىڭ ماشيناسىنا وق جاۋدىردى. ول پوليتسياعا بەرگەن جاۋابىندا وزدىگىنەن جۇرەتىن كولىكتەردى جاقتىرمايتىنىن ايتىپ، Uber كومپانياسىنا تيەسىلى جۇرگىزۋشىسىز ماشينانىڭ بىلتىر ناۋرىزدا ايەل ادامدى باسىپ كەتكەنىن ەسكە ءتۇسىردى.

«سىناقتان وتكىزەتىن باسقا جەرلەر بار عوي»، دەيدى 37 جاستاعى ەريك و’پولكا. قاراشادا ول Jeep Wrangler كولىگىمەن Waymo فۋرگوندارىن جولدان شىعارىپ تاستاماق بولعاندىقتان، پوليتسيا وعان ەسكەرتۋ جاساعان ەدى.

Uber-ءدىڭ وزدىگىنەن جۇرەتىن كولىگى بىلتىر ناۋرىزدا تەمپ قالاسىنداعى وسى ءبىر جۇرگىنشىلەر جولاعىندا ادام باسىپ كەتكەن ەدى.  كەيتلين و’حارا، «نيۋ-يورك تايمس»

ونىڭ ايتۋىنشا، بۇكىل ماسەلە دالادا ويناپ جۇرگەن 10 جاستاعى بالاسىن جۇرگىزۋشىسىز كولىكتەر قاعىپ كەتۋگە شاق قالعاندا باستالعان. «ولار شىناي ومىردە سىناق جاساپ كورمەكشى، بىراق مەن شىنايى ومىردەگى قاتەلىكتىڭ قۇربانى بولعىم كەلمەيدى»، دەيدى ول.

چاندلەردە Waymo فۋرگوندارىنا جاسالعان كەمىندە 21 وقيعا تىركەلگەن. ساراپشىلاردىڭ سوزىنە سۇيەنسەك، جۇرگىزۋشىسىز كولىكتەرگە قاتىستى پىكىرتالاستىڭ كەڭ تاراۋىنان ولارعا جاسالعان شابۋىلدىڭ سانى دا ارتۋى مۇمكىن. پىكىرتالاس بارىسىندا شوپىرلاردىڭ جۇمىسسىز قالۋىنان باستاپ، جەدەلدىككە قاتىستى ماسەلەلەرگە قاتىستى قاۋىپتەر ايتىلادى.

«ادامدار ءوزىن اقتاپ الادى»، دەيدى «Google اۆتوبۋسىنا تاس لاقتىرۋ» كىتابىنىڭ اۆتورى دۋگلاس رۋشكوفف.

«الپاۋىت كورپوراتسيالار جۇرگىزۋشىسىز تەحنولوگياعا قىزىعۋشىلىعى بىزگە جانى اشىعاندىقتان ەمەس دەگەن تۇسىنىك قالىپتاسىپ كەلەدى. ءوزىن الماستىراتىنداي جاساندى ينتەللەكتكە بەيىمدەلگەن كولىكتەردىڭ ىشىندە وتىرعان ادامنىڭ جاعدايىن ويلاپ كورىڭىز»، دەيدى ول.

چاندلەر پوليتسيا دەپارتامەنتىنىڭ وفيتسەرى ۋيليام دجونسون Chrysler PT Cruiser كولىگىنىڭ جۇرگىزۋشىسى Waymo فۋرگونىن شاتاستىرۋ ءۇشىن جولداعى ەكى جولاقتىڭ ورتاسىندا قالاي تۇرىپ العانىن ءتۇسىندىرىپ بەردى.

ونىڭ راپورتىنا سۇيەنسەك، Waymo كومپانياسىنداعى مەنەدجەر وقيعانى سوتقا سۇيرەۋگە ق ۇلىقتى ەمەس. ويتكەنى بۇل سىناقتان وتكىزۋگە كەدەرگى كەلتىرۋى مۇمكىن.

Waymo-نىڭ حاتشىسىنىڭ ايتۋىنشا، اريزونا شتاتىندا ولاردىڭ كولىكتەرى ءاربىر 40 000 شاقىرىم سايىن شابۋىلعا تاپ بولادى ەكەن. ال شتاتتىڭ بيلىگى جۇرگىزۋشىسىز كولىكتەرى بار كومپانيالارمەن جۇمىس ىستەۋگە ىنتالى.

فەنيكس قالاسىنىڭ ترانزيتتىك جۇيەسىنە كومەكتەسەتىن Valley Metro كومپانياسىنىڭ باسشىسى روب انتونياك تۋيتتەردەگى پاراقشاسىنا جوعارىداعى وقيعاعا قاتىستى «بولاشاقتىڭ كولىگىنە قارسى تاس لاقتىرىپ، دوڭگەلەك جارىپ كەتۋىنە جول جوق» دەپ جازدى.

سوڭعى جاڭالىقتار

جازىعى جوق كوكتەمنىڭ

ادەبيەت • كەشە

ۇقساس جاڭالىقتار