الەم • 22 قاڭتار، 2019

2018 جىلى قىتايداعى بالا تۋ كورسەتكىشى كۇرت تومەندەدى

927 رەت كورسەتىلدى

قىتاي حالىق رەسپۋبليكاسى ء«بىر وتباسى – ءبىر بالا» ساياساتىنان باس تارتقالى بەرى ەكىنشى جىل قاتارىنان بالا تۋ كورسەتكىشى 2 ميلليونعا تومەندەگەن. بۇل تۋرالى ۇلتتىق ستاتيستيكا بيۋروسى حابارلادى.

بيۋرونىڭ مالىمەتىنە سۇيەنسەك، 2017 جىلمەن سالىستىرعاندا (17،23 ميلليون) وتكەن جىلى 15،23 ميلليون بالا دۇنيەگە كەلگەن. وتكەن جىلى قىتاي حالقىنىڭ سانى 5،3 ميلليونعا ارتىپ، 1،395 ميللياردقا جەتتى.

ساراپشىلاردىڭ بولجاۋىنشا، قىتايلىق وتباسىلاردىڭ ەكى بالالى بولۋ مۇمكىندىگىنە قاراماستان بولاشاقتا حالىق سانىنىڭ ءوسۋى باياۋلايدى.

قىتاي حالىق جانە دەنساۋلىق ساقتاۋ ۇلتتىق كوميسسياسى دامۋ عىلىمي-زەرتتەۋ ورتالىعىنىڭ زەرتتەۋشىسى حۋان كۋانشي وتكەن جىلعى تۋ كورسەتكىشىن 15 ميلليوننان 16 ميلليونعا وسكەنىن ايتتى.

قىتاي بيلىگى 2016 جىلدىڭ باسىندا ەلدەگى دەموگرافيالىق احۋالدى رەتتەۋ جانە حالىقتىڭ قارتايۋ ماسەلەسىن شەشۋ ءۇشىن ەكى بالا سۇيۋگە رۇقسات ەتكەن ەدى. بۇل جىلى تۋ كورسەتكىشى (2000 جىلدان بەرگى ەڭ ۇلكەن كورسەتكىش) 1،3 ميلليونعا كوبەيگەن. بىراق 2017 جىلى بۇل ستاتيستيكا جارتى ميلليونعا قىسقارعان.

نانكاي ۋنيۆەرسيتەتى دەموگرافيالىق زەرتتەۋ ينستيتۋتىنىڭ پروفەسسورى يۋان ءسيننىڭ جازۋىنشا، كورسەتكىشتىڭ 2 ميلليونعا تومەندەگەنىنە تاڭدانىپ، حالىقتىڭ دەموگرافيالىق احۋالىن زەرتتەۋشى عالىمداردىڭ وتكەن جىلعى تۋ كورسەتكىشتىڭ تومەندەۋى ءالى دە جالعاساتىنىن ءبىر اۋىزدان كەلىسكەن.

«جىلدىق ەسەپتەگى تۋ كورسەتكىشىنىڭ 12%-عا ازايۋى حالىق ءوسىمىنىڭ كۇرت تومەندەۋى ىسپەتتەس. وتكەن جىلعى تۋ كورسەتكىشى سوڭعى 70 جىل ىشىندەگى ءۇشىنشى ورىنعا تۇراقتاعان»، دەدى يۋان سين.

«وتكەن جىلى تۋ كورسەتكىشىنىڭ تومەندەۋىنە كوپتەگەن فاكتورلار اسەر ەتكەن. ايەلدەردىڭ بالا تۋ جاسىنىڭ ۇلعايۋىنان باستاپ، بالالاردى وقىتۋعا جانە تاربيەلەۋگە كەتەتىن شىعىن مولشەرى جانە بەدەۋلىك ماسەلەسى مەن جالعىز ءومىر ءسۇرۋدى ءجون كورەتىندەردىڭ كوبەيۋى سەبەپ»، دەيدى يۋان سين.

ونىڭ ايتۋىنشا، قىتايدا ايەلدەردىڭ بالا بوسانۋىنىڭ جاسى – 20 مەن 34 جاس ارالىقتا. سوڭعى بىرنەشە جىل كولەمىندە شامامەن 2،8 ميلليونعا قىسقارعان.

ستاتيستيكا بيۋروسىنىڭ دۇيسەنبىدە جاريالانعان دەرەكتەرىنشە، ەلدەگى نەگىزگى جۇمىس كۇشىن (16 جاستان 59 جاسقا دەيىنگى) 897 ميلليون ادام قۇرايدى. بۇل جالپى حالىقتىڭ 64،3%-ى.

بيۋرو جەتەكشىسى نينگ تسزيتسحە تۋ كورسەتكىشىنىڭ تومەندەۋىنە قاراماستان قىتايدىڭ بۇرىنعىداي كۇش-قۋاتقا يە ەكەنىن جانە جۇمىس كۇشىنىڭ ساپاسى جوعارىلاپ، ەكونوميكانىڭ وسەتىنىن ايتتى.

اقمارال اعزامقىزى،

«ەگەمەن قازاقستان»

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار