ستانتسيا بۇل ورايدا جوبالىق جيىنتىق قۋاتى 3000 مۆت قۇرايتىن التى ەنەرگيا بلوگىنىڭ ءبارى جۇمىس ىستەپ تۇرىپ, 2018 جىلعى 20 جەلتوقساندا قول جەتكىزگەن 3031 مۆت رەكوردتىق جۇكتەمەمەن كۇزگى-قىسقى كەزەڭگە تولىق دايىندىعىن كورسەتتى. تۇتاس العاندا, سەگىز ەنەرگيا بلوگىنىڭ ءبارى جۇمىس ىستەگەن كەزدە, ەلەكتر ستانتسياسىنىڭ بەلگىلەنگەن قۋاتى 4000 مۆت-تى قۇرايدى.
جىل بويى ەكىباستۇز گرەس-1 ءوز تۇتىنۋشىلارىن ەلەكترمەن ۇزدىكسىز قامتاماسىز ەتۋ ءۇشىن تۇتاس ءىس-شارالار كەشەنىن ورىندادى. اتاپ ايتقاندا, جىل باسىنان بەرى ستانتسيادا № 4 ەنەرگيا بلوگىندا كەڭەيتىلگەن جوندەۋ, № 3, 5, 7, 8 ەنەرگيا بلوكتارىندا اعىمداعى جوندەۋ, № 2 جانە № 6 ەنەرگيا بلوكتارىندا كۇردەلى جوندەۋ جۇرگىزىلدى.
بۇدان تىس, قازىر سوڭعى, ەسەپ بويىنشا سەگىزىنشى, №1 ەنەرگيا بلوگىندا قالپىنا كەلتىرۋ جۇمىستارى جۇرگىزىلۋدە. ستانتسيانىڭ بۇدان باسقا ەنەرگيا بلوكتارى سەكىلدى, اتالعان ەنەرگيا بلوگى كۇل تۇتۋ دارەجەسى 99,6 % بولاتىن جاڭا بۋىنداعى تيىمدىلىگى جوعارى ەلەكتر سۇزگىسىمەن جابدىقتالادى.
2021 جىلعا قاراي وتىن-كولىك تسەحىنىڭ وندىرىستىك كەشەنىن قايتا قۇرۋ جانە قايتا جاڭعىرتۋ جوباسىن اياقتاۋ جوسپارلانعان. جوبا تسەحتار جابدىعىنىڭ ونىمدىلىگىن, سونداي-اق ونىڭ ساپاسى مەن سەنىمدىلىگىن ارتتىرۋعا باعىتتالعان. اتالعان جابدىق قازاندىق اگرەگاتتارى ءۇشىن قاجەتتى وتىندى دايىنداۋ, تاسىمالداۋ جانە ءبولۋ بويىنشا ۇلكەن جۇمىس اتقارادى. ماسەلەن, 2018 جىلى ستانتسيانىڭ «بوگاتىر كومىر» جشس-نەن جەتكىزىلەتىن كومىردى تۇتىنۋ كولەمى 11,636 ملن. توننانى قۇرادى.
«بولات نۇرجانوۆ اتىنداعى ەكىباستۇز گرەس-1» جشس – بەلگىلەنگەن قۋاتتىلىعى 4000 مۆت جانە قولداعى بار قۋاتتىلىعى 3500 مۆت بولاتىن, ەلەكتر ەنەرگياسىن وندىرۋمەن جانە تاراتۋمەن اينالىساتىن, كوندەنساتسيالىق تيپتەگى جىلۋ ەلەكتر ستانتسياسى. ەگرەس-1 ستانتسياسىنىڭ جالعز اكتسيونەرى – «سامۇرىق-ەنەرگو» اق. ستانتسيادا وندىرىلگەن ەلەكتر ەنەرگياسىنىڭ باسىم بولىگى قازاقستاننىڭ ەنەرگەتيكا نارىعىندا تاراتىلادى.
«سامۇرىق-ەنەرگو» اق – قازاقستانداعى اسا ءىرى ەلەكتر ەنەرگەتيكالىق حولدينگ, اكتسيالارىنىڭ 100%-ى «سامۇرىق-قازىنا» ۇاق» اق-عا تيەسىلى. 2007 جىلى قۇرىلعان. جۇمىسىنىڭ نەگىزگى باعىتتارى: ەلەكتر جانە جىلۋ ەنەرگياسىن ءوندىرۋ; ەلەكتر ەنەرگياسىن جەتكىزۋ, ءبولىپ-تاراتۋ جانە ساتۋ; ەنەرگەتيكالىق كومىر ءوندىرۋ. حولدينگتىڭ قۇرامىنا ەنەرگيا جانە كومىر ءوندىرۋ كاسىپورىندارى, سونىڭ ىشىندە: «ەكىباستۇز گرەس-1» جشس, «ەكىباستۇز گرەس-2 ستانتسياسى» اق, «بوگاتىر كومىر» جشس, «الماتى ەلەكتر ستانتسيالارى» اق, «و.د. قانتاەۆ اتىنداعى مويناق سۋ ەلەكترستانتسياسى» اق, «شاردارا سەس» اق جانە ت.ب. كىرەدى.
