«تۇرعىن ءۇي ۇسىنىسىن ۇلعايتۋ ءۇشىن ۇلتتىق بانك جەرگىلىكتى اتقارۋشى ورگانداردىڭ «باسپانا» كومپانياسىنىڭ 150 ملرد تەڭگەگە دەيىن سوماداعى وبليگاتسيالارىن نارىقتىق تالاپتارمەن ساتىپ الۋعا رۇقسات بەردى. بۇگىندە بۇل تەتىكتى شىمكەنت قالاسىنىڭ اكىمدىگى عانا 10 ملرد تەڭگە مولشەرىندە پايدالاندى. «باسپانا» ۇيىمىنان قارجىلاندىرۋ تارتۋ قۇقىعىن باسقا اكىمدەرگە بەرۋ مۇمكىندىگىن قاراستىرۋ قاجەت», دەدى دانيار اقىشەۆ.
سونداي-اق ول باعدارلامانى جانداندىرۋ ءۇشىن 2018 جىلى جەلتوقساندا مەملەكەتتىك تۇرعىن ءۇي باعدارلامالارىنا وزگەرىستەر ەنگىزىلەتىنىن ايتتى.
«نۇرلى جەر» باعدارلاماسى بويىنشا سالىنعان ۇيلەر تۇرعىنۇيقۇرىلىسجيناقبانكى ارقىلى سالىمشىلار مەن كەزەكتە تۇرعاندارعا جانە بارلىق ازاماتتارعا «7-20-25» باعدارلاماسى بويىنشا يپوتەكالىق قارىزدار ارقىلى ساتىلۋى مۇمكىن», دەدى ۇلتتىق بانك توراعاسى.
