«2018 جىلى ميكروكرەديت بەرۋ باعدارلاماسىن قارجىلاندىرۋ 20 ملرد تەڭگەگە, ونىڭ ىشىندە اۋىلداردا 14 ملرد, قالالاردا 6 ملرد تەڭگەگە ۇلعايدى. قوسىمشا بولىنگەن قاراجاتتى ەسەپكە العاندا, ميكروكرەديت بەرۋدىڭ جالپى سوماسى 62 ملرد تەڭگەنى قۇرادى. ونىڭ ىشىندە 45 ملرد تەڭگە اۋىلدىق جەرلەرگە جانە 17 ملرد تەڭگە قالالىق جەرلەرگە جىبەرىلدى. 2018 جىلعا ارنالعان ميكروكرەديتپەن قامتۋ جوسپارى 14 مىڭ ادامدى قۇرادى», دەدى مينيستر.
ونىڭ ايتۋىنشا, ميكروكرەديتتەر ميكروبيزنەستى اشۋ جانە بار بيزنەستى كەڭەيتۋ ماقساتىندا بەرىلەدى.
«2018 جىلى بارلىعى 14 053 ميكروكرەديت بەرىلدى, ونىڭ ىشىندە اۋىلداردا - 12760, قالالاردا - 1293 ميكروكرەديت بەرىلدى. اۋىلداردا ميكروكرەديت بەرۋدىڭ ورتاشا مولشەرى 3,5 ملن تەڭگەنى, ال قالالاردا 11 ملن تەڭگەنى قۇرايدى. بەرىلگەن ميكروكرەديتتەر ىشىنەن Start-up جوبالاردى قولداۋعا 9772 ميكروكرەديت, ياكورلى كووپەراتسيانىڭ جاڭا باعىتىن دامىتۋعا 1024, جەكە ءىستى كەڭەيتۋگە 3257 ميكروكرەديت بەرىلدى. وسىلايشا, ءتورتىنشى الەۋمەتتىك باستامانى ىسكە اسىرۋ تولىق قامتاماسىز ەتىلدى», دەدى م.ابىلقاسىموۆا.
