مەكتەپ جەتىسپەۋشىلىگى اسىرەسە الماتى قالاسى ماڭىنداعى اۋدانداردا سەزىلىپ وتىر. مىسالعا, قاراساي اۋدانىندا ءۇش اۋىسىمدا ساباق وقىتاتىن 11 مەكتەپ بار ەكەن. قازىر اۋدان اۋماعىندا بۇل ماسەلەنى شەشۋدىڭ جولى تابىلعان. بىرنەشە مەكتەپكە قوسىمشا قۇرىلىس سالۋ قولعا الىنسا, جاڭادان 4 مەكتەپ سالىنۋدا.
- ءۇش اۋىسىمدى مەكتەپتەردى جويۋ ەلباسى جولداۋىندا ايتىلىپ, وبلىس اكىمى تاراپىنان ناقتى تاپسىرما رەتىندە بەرىلدى. بۇگىندە ءبىزدىڭ اۋداندا بۇل ءىس قولعا الىندى. 4 مەكتەپتىڭ قۇرىلىسى اياقتالۋعا جاقىن. سونىڭ ءبىرى ايتەي اۋىلىنداعى 1200 وقۋشىعا ارنالعان ۇلكەن مەكتەپ. نىسان جاڭا وقۋ جىلىندا پايدالانۋعا بەرىلمەكشى. ال قاسكەلەڭ قالاسىنداعى, اباي, كوكساي, شامالعان اۋىلدارىنداعى ورتا مەكتەپتەردىڭ عيماراتى كەڭەيتىلىپ, قوسىمشا قۇرىلىس سالىنۋدا. ماقساتىمىز, اۋدان بويىنشا ءۇش اۋىسىمدى مەكتەپتەردىڭ بولماۋىنا جاعداي جاساۋ, - دەيدى قاراساي اۋدانىنىڭ اكىمى جانداربەك دالاباەۆ.
قالماحانبەت مۇقامەتقالي,
«Egemen Qazaqstan»
الماتى وبلىسى
