«2018 جىلدىڭ ناۋرىزىندا مەملەكەت باسشىسى بىرنەشە الەۋمەتتىك باستاما اياسىندا «7-20-25» باعدارلاماسىن ىسكە قوسۋدى تاپسىردى. بۇل حالىق ءۇشىن تۇرعىن ءۇي جاعدايىن جاقسارتۋعا ارنالعان. ۇلتتىق بانك وتكەن جىلدىڭ ورتاسىندا باعدارلاما تالاپتارىن بەكىتتى. يپوتەكا نارىعىن جاقسارتۋ ءۇشىن زاڭنامالىق وزگەرتۋلەر ەنگىزىلدى. وپەراتور بولىپ «باسپانا» ۇيىمى قۇرىلدى» دەدى دانيار اقىشەۆ.
سونداي-اق ول «7-20-25» باعدارلاماسى بويىنشا 8 بانك جۇمىس ىستەپ جاتقانىن ايتتى.
«17 قاڭتارداعى جاعداي بويىنشا 52 ملرد تەڭگەگە 4350 ءوتىنىم ماقۇلداندى. وسى ۋاقىتتا 17 پايىز ءوتىنىش بەرۋشىگە نەمەسە 1237 ءوتىنىم بويىنشا قارىز بەرۋدەن باس تارتىلدى. باس تارتۋعا نەگىزگى سەبەپ - كرەديتتىك تاريحىنىڭ ناشارلىعى جانە جەتكىلىكتى كىرىستىڭ بولماۋى», - دەدى ول.
جيىندا بەلگىلى بولعانداي, باعدارلامانى حالىققا ءتۇسىندىرۋ جۇمىسى جۇرگىزىلىپ, 6 ملن-نان استام قازاقستاندىق قاجەت اقپاراتپەن قامتىلعان. باعدارلامانى ىسكە اسىرۋ بارىسى باق-تا, الەۋمەتتىك جەلىلەردە جۇيەلى تۇردە جاريالانادى. تاۋلىك بويى Call-ورتالىق جۇمىس ىستەيدى. ۇلتتىق بانكتىڭ اۋماقتىق فيليالدارى مەن «باسپانا» يپوتەكالىق ۇيىمى بارلىق وڭىردەگى حالىقپەن جانە ەڭبەك ۇجىمدارىمەن كەزدەسۋ وتكىزۋدە.
