«ماشينا جاساۋ, مەتاللۋرگيا, قۇرىلىس ماتەريالدارىن ءوندىرۋ, تاماق ونەركاسىبى, سۋسىندار شىعارۋ ارتتى. تاماق ونىمدەرىن ءوندىرۋ وڭدەۋ ونەركاسىبىندەگى بارلىق وندىرىلگەن ءونىمىنىڭ 42 پروتسەنتىن قۇرايدى. ال ماشينا جاساۋدىڭ كورسەتكىشى ءوز الدىنا ءبىر توبە. «سارىارقااۆتوپروم» ماشينا جاساۋ زاۋىتىندا وتكەن جىلى 11766 جەڭىل جۇردەك كولىك ساپقا قويىلدى. بۇل - ماشينا جاساۋ 2,2 ەسەگە ءوستى دەگەن ءسوز. سونىمەن قاتار جۇك ماشينالارىنىڭ, اۋىل شارۋاشىلىعى تەحنيكالارىنىڭ ءوسىمى دە بار. جالپى وڭدەۋ سالاسىندا ەڭبەك ونىمدىلىگى 8,7 پروتسەنتكە ءوستى» دەدى ەرلان ماحمۇت ۇلى.
وبلىس ەكونوميكاسى سالاسىنداعى وتكەن جىلدىڭ جاقسى ءبىر كورسەتكىشى – ءونىمدى ەكسپورتتاۋدىڭ ارتۋى. مىسالى, وسىمدىك مايىن سىرتقى نارىققا شىعارۋ 6,2 ەسە, جارما 7 ەسە, ەت ونىمدەرى 4 ەسە, كونديتەر بۇيىمدارىن ەكسپورتتاۋ كورسەتكىشى دە ارتقان. 1700 توننا ەت ەكسپورتتالعان.
«بيىل قىتايلىق ينۆەستورلار 20-25 مىڭ ءاۆتوموبيلدى ساپقا قويۋدى ويلاستىرىپ وتىر. وتكەن جىلى قوستانايدا وندىرىلگەن 9054 «حيۋنداي» جانە 1319 «JAC» سىرتقا ساتىلعان ەدى. ەندى بيىل ينۆەستور «JAC» اۆتوموبيلىنە كوڭىل بولەتىن بولادى. سوندىقتان تەمىر تۇلپارلاردىڭ قايسىسى كوپ ساتىلاتىن بولسا, سوعان قولداۋ جاسايتىن بولامىز» دەدى اپپارات ماجىلىسىندە وبلىس اكىمى ارحيمەد مۇحامبەتوۆ.
ءنازيرا جارىمبەت,
«Egegmen Qazaqstan»
قوستاناي
