قازاقستان • 22 قاڭتار، 2019

وزبەك كينوسىنىڭ كۇندەرى ءوتتى

379 رەتكورسەتىلدى

وتكەن جىلى قازاقستاندا اتالىپ وتكەن وزبەكستان رەس­پۋب­لي­كا­سىنىڭ  جىلى  ەكى ەل اراسىنداعى عاسىرلار بويى ساقتالعان دوستىق پەن قارىم-قاتىناستى نىعايتىپ قانا قويماي، جاڭا دەڭگەيگە كوتەردى. باۋىرلاس حالىقتاردىڭ جاقىندىعىن تەرەڭ­دە­تۋگە سەپتىگىن تيگىزەتىن  اۋقىمدى شارالار ءالى دە جالعاسىن تابۋدا. تۇركىستان وبلىسىندا وتكەن   وزبەك كينوسى كۇندەرى سول يگى ىستەردىڭ ءبىرى. 

تۇركى ەلدەرىنە ورتاق، مəدە­ن­يە­­تى مەن əدە­بيەتى ەگىز تاريحي فيلم­دەردى نا­سي­حاتتاۋ، كينو­رە­­جيس­سەرلەر مەن اكتەر­لار ارا­سىن­داعى شىعار­ما­شىلىق بايلا­­نىستى نى­عاي­تۋ، تəجىريبە ال­ما­سۋعا جول اشۋ­دى ماقسات ەتكەن ءىس-شارانىڭ اشىلۋىنا ار­­نال­عان جيىندا تۇركىستان وبلى­سى اكىمىنىڭ ورىنباسارى ما­لىك وتارباەۆ، وزبەكستان رەس­­پۋب­ليكاسىنىڭ قازاقستان رەس­پۋب­ليكا­سىنداعى باس كونسۋلى ابرار فات­حۋل­لاەۆ جانە قا­زاق­­­ستان وز­بەكتەرى «دۋستليك» قاۋىم­داس­­تى­عىنىڭ توراعاسى يكرام حا­شيم­­جانوۆ قۇتتىقتاۋ ءسوز سوي­لەپ، تاريحي فيلمدەردىڭ ور­تاق تاربيەسى مەن ماڭىزىنا توقتالدى. «كينو جاي عانا ونەر ەمەس، ول قوعامنىڭ ۇلتتىق يدەو­لوگياسىن قالىپتاستىراتىن ۇلكەن قۇرالدىڭ ءبىرى بولىپ سانالادى. سوندىقتان دا كەز كەلگەن مەملەكەت ءوز كينو­ين­دۋس­ترياسىنىڭ دامۋىنا زور مۇم­كىن­دىكتەر جاسايدى.  كينو سالاسى مەن انيماتسيانىڭ ءبىزدىڭ وڭى­رى­مىزدە دامىپ كەلە جاتقانى قۋا­نار­لىق جاعداي. 

بىلتىردىڭ وزىندە وڭىر­­لىك ءتۋريزمدى دامىتۋ، تاريحي-ما­دەني مۇرالارىمىزدى ناسيحاتتاپ، جاستارعا پاتريوتتىق تاربيە بە­­رۋ ماقساتىندا «كۇش اتاسى – قا­جىمۇقان» انيماتسيالىق ءفيل­مى جانە «قالقانقۇلاق» قيال-عاجايىپ  تەلەحيكاياسى،  «كونە جەتىگەن­نىڭ سىرى» اتتى تەلە­سەريال جانە «كيەلى قازى­عۇ­رت»، «وتىراردى قورعاۋ» اتتى انيماتسيالىق فيلمدەرى ءتۇسىرىلدى. بۇگىنگى ءىس-شارانىڭ ەكى ەلدىڭ اراسىنداعى التىن كوپىر، باۋىرلاس قازاق-وزبەك حالىق­تا­­رى­­نىڭ دوستىعى مەن بىرلىگىن نىعاي­­تۋعا سەبەپ بولاتىنىنا سەنى­­مىم مول»، دەدى م.وتار­با­ەۆ.

بۇل كۇنى تۇركىستان قالالىق مادەنيەت ۇيىندە كورەرمەن نازارىنا قازاقتىڭ ۇلى اقىنى ابايدىڭ بالالىق شاعى، قورشاعان ورتاسى، شىعارماشىلىعى مۇراعات قۇجاتتارى قولدانىلا تۇسىرىلگەن «اباي ءسوزى» دەرەكتى ءفيلمى، شىڭ­عىس ايتماتوۆتىڭ قيسساسى جەلى­­سىندە تۇسىرىلگەن «سارۆكومات ديل­­باريم» كوركەم ءفيلمى،   «وي­كيز» ەرتەگىسى ۇسىنىلدى.

ايتا كەتەلىك، وتكەن جىلى قاز­اق­ستانداعى وزبەكستان رەس­پۋب­ليكاسى جىلىنا بايلانىستى ەكى ەلدىڭ دوستاستىعىن ارتتىرۋ، مادەني بايلانىستى نىعايتۋ ماقساتىندا 20-دان استام ءىس-شارا وتكىزىلگەن بولاتىن. 

عالىمجان ەلشىباي،

«Egemen Qazaqstan»

تۇركىستان وبلىسى

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

ۇقساس جاڭالىقتار