ء«ۇش ادام قۇتقارۋشىلاردىڭ كوز الدىندا سۋعا كەتتى, تاعى بەس ادامنىڭ نە سۋدا قالىپ قويعاندىعى نەمەسە جانىپ جاتقان كەمەلەردە قالعانى بەلگىسىز», — دەپ حابارلادى روسموررەچفلوت.
بۇعان دەيىن «كاندي» جانە «ماەسترو» كەمەلەرىندە ءورت شىققان. ەكى كەمەدە 32 ادام بولعان, ولاردىڭ بارلىعى ءۇندىستان مەن تۇركيا ازاماتتارى.
روسموررەچفلوتتىڭ مالىمەتتەرى بويىنشا, ءورت وتىندى ءبىر كەمەدەن ەكىنشى كەمەگە بەرۋ كەزىندە باستالدى.
قازىر اپات ورنىندا «سپاساتەل دەميدوۆ» اۆاريالىق-قۇتقارۋ كەمەسى ءجۇر. بۇل وپەراتسيانى نوۆوروسسيسك قۇتقارۋ-ۇيلەستىرۋ ورتالىعى باسقارادى.
قىرىم تەڭىز پورتتارىنىڭ باس ديرەكتورى الەكسەي ۆولكوۆ كەرچەن بۇعازىنداعى كەمە قاتىناسى شتاتتىق رەجيمدە ءوتىپ جاتقانىن حابارلادى.
تۇركيانىڭ ادىلدىك جانە دامۋ پارتياسىنىڭ ءباسپاسوز حاتشىسى ومەر چەليكتىڭ الدىن الا مالىمەتىنشە, جانىپ جاتقان ەكى كەمەدە تۇركيانىڭ 16 ازاماتى بار. ول انكارانىڭ رەسەي ەلشىلىگىمەن تىعىز بايلانىستا ەكەنىن اتاپ ءوتتى.
