زەرتتەۋ الەۋمەتتىك ساۋالناما نەگىزىندە جۇرگىزىلگەن-ءدى. رەسپوندەنتتەردىڭ جاسى بويىنشا, الكوگولدى تۇتىنۋعا دەگەن كوزقاراسى مەن الكوگولدى پايدالانۋعا قارسى كۇرەستىڭ تيىمدىلىگى تۋرالى ساۋال تاستالدى.
زەرتتەۋ ىسىنە الماتى قالاسىنىڭ اLMAU ۋنيۆەرسيتەتىنىڭ ءبىرىنشى كۋرسىنىڭ 43 ستۋدەنتى بەلسەنە قاتىسىپ, UIB, قبتۋ, كيمەپ, نارحوز, اەبۋ, قازۇۋ, قازمۋي, تۇران ۋنيۆەرسيتەتتەرىنىڭ ستۋدەنتتەرى اراسىندا ساۋالناما جۇرگىزىلدى.
بارلىعى ساۋالناماعا18 جاستان 25 جاسقا دەيىنگى 773 رەسپوندەنت قاتىستى. ولاردىڭ 388-ءى ەر ادام جانە 385-ءى ايەلدەر قاۋىمىنان قۇرالدى. رەسپوندەنتتەردىڭ 38% الكوگولدى العاش رەت 16 جاستا, ال 37%-ى العاش رەت 16-18 جاس ارالىعىندا پايدالانعاندارىن جەتكىزدى. سونىمەن قاتار, 20% -ى 18-دەن 21 جاسقا دەيىن پايدالانسا, تەك 5% عانا 21 جاستان اسقان جاستار بولىپ شىقتى.
سونداي اق, رەسپوندەنتتەردىڭ 41% -ى العاش رەت دوستارىمەن بىرگە ىشىمدىك ىشكەنىن كورسەتتى. 31%-ى بولسا ۇيدە, اتا-انالارىمەن نەمەسە تۋىستارىمەن بىرگە پايدالانىپ, 17%-ءى دامحانا نەمەسە باردا, ال 11%-ءى الكوگولدى تەك كوشەدە پايدالاناتىندارىن جەتكىزدى.
ساۋالناماعا قاتىسقانداردىڭ 5%-ى ىشىمدىكتەردى تاۋلىك بويى ىشەتىندەرىن مويىنداسا, 15%-ى اپتاسىنا ءبىر نەمەسە ەكى رەت پايدالاناتىندارىن, ال 29% – ايىنا بىرنەشە رەت قابىلدايتىندارىن جەتكىزدى. رەسپوندەنتتەردىڭ تاعى 29%-ى ساۋىق سايران مەن مەرەكە كۇندەرىندە عانا ىشىمدىك ىشەتىنىن اتاپ كورسەتتى. ال 22% -ى ىشىمدىكتى جىلىنا ءبىر نەمەسە ەكى رەت عانا ساتىپ الىپ, سيرەك ىشەتىندەرىن جاسىرمايدى.
الكوگولدى تۇتىنۋدىڭ تارالۋ سەبەبىن سۇراستىرعاندا ستۋدەنتتەر: 43% – الكوگولگە قولجەتىمدىلىكتىڭ وڭاي ەكەندىگىن, 37,7% – دوستار مەن قورشاعان ورتانىڭ ىقپالىن, 26% – ەرەسەكتەردىڭ ۇلگىسىن, 22% – ومىردە باسقا ماقسات-مۇددەلەرىنىڭ جوقتىعىن, 21,35% – الكوگول قاۋپى تۋرالى اقپاراتتىڭ ازدىعىن, 22,5%-ى كۇندەلىكتى كەزدەسەتىن جانجالدار مەن كۇيزەلىسكە ءتۇسۋدى العا تارتادى.
ايناش ەسالي,
«Egemen Qazaqstan»
الماتى
