ايماقتار • 21 قاڭتار، 2019

اقتوبەدە سەگىز وزەننىڭ ارناسى تازالانىپ، تەرەڭدەتىلەدى

261 رەتكورسەتىلدى

اقتوبەدە بولۋى مۇمكىن كوكتەمگى سۋ تاسقىنى مەن سۋ باسۋدى بولدىرماۋ شارالارىنىڭ كەشەنى جۇزەگە اسىرىلۋدا. 2017 جىلى جەرگىلىكتى ورگاندار ءتيىستى جول كارتاسىن ازىرلەپ، وعان رەسپۋبليكالىق بيۋدجەتتەن 6 ملرد تەڭگە ءبولىندى. ناتيجەسىندە بۇگىندە وبلىس ورتالىعىنان اعىپ وتەتىن سەگىز وزەننىڭ ارناسىن تازالاۋ، ءتۇبىن تەرەڭدەتۋ جانە جاعالارىن بەكىتۋدىڭ اۋقىمدى جۇمىستارى جۇرگىزىلىپ جاتىر.

بەردىبەك ساپارباەۆ قارعالى، ەلەك، سازدى جانە بۇتاق وزەندەرىندە جۇزەگە اسىرىلىپ جاتقان تاسقىنعا قارسى شارالاردىڭ بارىسىمەن تانىستى.

قارعالى وزەنىنىڭ ارناسىن تازالاۋ، ءتۇبىن تەرەڭدەتۋ جانە جاعاسىن بەكىتۋ جۇمىستارى سادوۆوە اۋىلىنان ەلەك وزەنىنە دەيىنگى اۋماقتا، سونىمەن قاتار، اقجار كوپىرىنىڭ اۋدانىندا، سونداي-اق، سازدى وزەنىندەگى جۇمىستار سازدى سۋ قويماسىنان ساڭكىباي باتىر داڭعىلىنا دەيىن، ەلەك وزەنى – اقتوبە سۋ قويماسىنان قۋرايلى اۋىلىنا دەيىن، بۇتاق – اقجار-1 اۋىلىنان قارعالى وزەنىنە دەيىن جۇرگىزىلىپ جاتىر.

وبلىس اكىمى بۇل جوبانىڭ ماڭىزدىلىعىن اتاپ ءوتىپ، قالا اكىمدىگىنە ساپالى ءارى ۋاقىتىندا جۇزەگە اسىرۋدى تاپسىردى.

«بۇگىن ەلەك وزەنىنىڭ ءتۇبىن تەرەڭدەتۋ جانە تازالاۋ جۇمىستارىن جۇرگىزدىك. 1100 مەتردى ءجۇرىپ وتتىك، 8 ەكسكاۆاتور جۇمىلدىرىلدى. جاقىن ارادا قوسىمشا 30 ەكسكاۆاتور مەن بۋلدوزەر جانە 70-80-دەي ادام تارتامىز»، - دەدى مەردىگەر ۇيىم وكىلدەرىنىڭ ءبىرى الىبەك كەنجەبەكوۆ.

وبلىس ورتالىعىنان اعىپ وتەتىن سەگىز وزەننىڭ جالپى ۇزىندىعى 118 شاقىرىم. بۇكىل جۇمىس وسى جىلى اياقتالادى دەپ جوسپارلانىپ وتىر.

جوبانى جۇزەگە اسىرۋ 2017 جىلى بولعان سۋ تاسقىنى جاعدايىنىڭ قايتالانباۋىنا مۇمكىندىك بەرەدى. سول كەزدە سۋ قويمالارىنداعى سۋدىڭ كوتەرىلۋىنە بايلانىستى سۋ دەڭگەيى شەكتى دەڭگەيگە جەتىپ، سالدارىنان وزەن ارناسى ماڭىنداعى باۋ-باقشا ۇجىمدارى مەن تۇرعىن ءۇي الاپتارىن سۋ العان بولاتىن.

سوڭعى جاڭالىقتار

قولتاڭبا

ايماقتار • بۇگىن، 09:42

شەكاراشىلار الدانبادى

قوعام • بۇگىن، 08:22

ليتسەنزياسىنان ايىردى

قوعام • بۇگىن، 08:20

ونەرلىگە ءورىس كەڭ

ايماقتار • بۇگىن، 08:16

سىناقتان ساعى سىنباعان

ايماقتار • بۇگىن، 08:11

ۋاقىتى كەلگەن يگىلىك

تەحنولوگيا • بۇگىن، 08:05

سالەمدە بەرەكە بار

رۋحانيات • بۇگىن، 08:03

مىستى قالادا مىلتىق نەگە اتىلدى؟

ايماقتار • بۇگىن، 08:02

«ءبىر كوزدى» ءداۋ

قوعام • بۇگىن، 07:56

ەكىنشى راۋندتا سۇلاتىپ سالدى

كاسىپقوي بوكس • بۇگىن، 07:49

ءۇشىنشى كەزەڭگە وتە المادى

تەننيس • بۇگىن، 07:48

بۇيىرعانى – ءبىر جۇلدە

سپورت • بۇگىن، 07:45

جەرلەسىمىزدىڭ ايتۋلى جەڭىسى

تەننيس • بۇگىن، 07:40

اباي ءۇنى – حالىق ءۇنى

اباي • بۇگىن، 07:38

دومبىرا – دالا شەجىرەسى

رۋحانيات • بۇگىن، 07:29

شەتەلدىك كولىكتى تىركەۋ كەرەك

ساياسات • بۇگىن، 07:25

جاڭا ەكونوميكالىق باعىت قاجەت

پرەزيدەنت • بۇگىن، 07:18

ۇقساس جاڭالىقتار