وتكەن جىلى اتقارىلعان جۇمىستار بويىنشا ەسەپ بەرگەن اۋدان اكىمى عابيت ماۋلەنقۇلوۆ ءۇي باسقارۋشىلارىمەن وتەتىن اي سايىنعى جيىن جəنە اپتانىڭ əر كۇنى تاڭعى ساعات 9:00-10:00 ارالىعىندا تۇرعىنداردى قابىلداۋ جۇيەگە قويىلعانىن جەتكىزدى.
«بىلتىرعى جوسپار اياسىندا اۋدان اۋماعىنداعى بىرقاتار جۇمىستار تولىق ورىندالسا, ۇيلەردىڭ اۋلاسىنا ويىن الاڭشالارى مەن سپورتتىق ساۋىقتىرۋ ەلەمەنتتەرىن ورناتۋ جوسپارى ارتىعىمەن ورىندالعان. اۋدانىمىزدا جالپى 400 اۋلا بولسا, ونىڭ جارتىسىنا اۋلا الاڭشالارى, سپورتتىق ساۋىقتىرۋ قۇرىلعىلارى ورناتىلىپ, جاڭارتىلدى. قالعان 200-دەي اۋلادا بۇل باعىتتاعى جۇمىستار جوسپارعا سايكەس جالعاسادى», دەدى اۋدان اكىمى عابيت ماۋلەنقۇلوۆ.
ەسەپتى كەزدەسۋدە قالانىڭ ورتالىق اۋدانىنداعى كاسىپكەرلىكتىڭ جاي-كۇيى ءسوز بولدى. تارقاتىپ ايتار بولساق, اۋداندا كاسىپكەرلىك سالاسى تاعى 36 ءىرى كəسىپكەرلىك نىسانمەن تولىعىپ, جاڭادان 3800 تۇلعانى بوس جۇمىس ورىندارىمەن قامتاماسىز ەتكەن. سونىمەن قاتار, «دامۋ» كاسىپكەرلىكتى دامىتۋ قورى, «ىرىس», شاعىن نەسيە ۇيىمى جانە جەرگىلىكتى كəسىپكەرلەر پالاتانىڭ ماماندارى مەن ەكىنشى دەڭگەيلى بانك وكىلدەرىنىڭ قاتىسۋىمەن اۋىل شارۋاشىلىعى باعىتىن قارجىلاندىرۋعا 70 ملن تەڭگە قارجى ءبولىنىپ, 15 جوبا ماقۇلدانعان.
سونىمەن قاتار, 2018 جىلى ء«بىز بىرگەمىز» اكتسياسى اياسىندا مۇمكىندىگى شەكتەۋلى ازاماتتارعا قولجەتىمدى ورتا قۇرۋ ماقساتىندا جۇرگىزىلگەن ءتۇسىندىرۋ جۇمىستارىنىڭ نəتيجەسىندە 12 بالاباقشاعا جəنە كوشە بويىندا ورنالاسقان 971 ءىرى نىسانعا پاندۋس ورناتىلعان.
ال, مۇگەدەكتەردىڭ قۇقىعىن شەكتەگەنى ءۇشىن 5 جەكەمەنشىك نىسانعا قۇزىرلى مەكەمەلەر تاراپىنان 3,1 ملن تەڭگە كولەمىندە ايىپپۇل وندىرىلگەن.
نۇرشات توكەن,
«ەگەمەن قازاقستان»
