ياعني, پوليتسيانىڭ جەدەل قيمىل ارەكەتىنىڭ ارقاسىندا اسا اۋىر قىلمىستىڭ اشىلۋ كورسەتكىشى 92,9 پروتسەنتكە جانە اۋىر قىلمىستىڭ اشىلۋ دەڭگەيى 66,4 پروتسەنتكە جەتكەن. مۇنان بولەك, بۇرىن جاسالعان 3 مىڭعا جۋىق قىلمىس اشىلىپ, كىناسى دالەلدەنگەن 2430 ادام جىلى قىلمىستىق جاۋاپكەرشىلىككە تارتىلىپتى. ال وبلىستىڭ تەرگەۋ ورگاندارى ۇزىن سانى 5333 قىلمىستىق ءىستى سوتقا جولداعان.
جالپى, ايماقتاعى قۇقىقبۇزۋشىلىقتى اۋداندارعا ءبولىپ قاراستىرعاندا, نەگىزىنەن قاراساي, تالعار, ەڭبەكشىقازاق, ىلە جانە جامبىل اۋداندارىندا قىلمىستىق وقيعا ءجيى بولعان. وبلىس بويىنشا جاسالعان قىلمىستىڭ 60 پروتسەنتى وسى اتالعان اۋدانداردىڭ ەنشىسىندە. ءتارتىپ ساقشىلارى بۇل اۋداندارداعى قىلمىستىڭ كوبەيۋىن مەگاپوليس ماڭىنداعى قىلمىستىق احۋالدىڭ تۇراقسىزدىعىنان دەپ تۇسىندىرەدى. ماسەلەن, الماتى قالاسىنا جاقىن قونىستانعان جامبىل اۋدانىندا 3 ادامنىڭ ءومىرىن قيعان قىلمىسكەر ۇستالسا, ىرگەدەگى ىلە, ەڭبەكشىقازاق اۋداندارىندا دا كىسى ولتىرگەندەر قۇرىقتالدى. سونداي-اق, كوكسۋ, قارتال اۋداندارىندا دا ادام ءومىرىن قيعان قىلمىس وقيعاسى بولىپ, كىنالىلەر ۇستالدى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
