شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ باسشىسى نۇرالحان كوشەروۆتىڭ ايتۋىنشا, وتكەن جىلعا سالىقتىق تولەمدەر بويىنشا بەكىتىلگەن جوسپار 73 ملرد تەڭگە بولسا, ناقتى 78 ملرد تەڭگە تۇسكەن. 2017 جىلمەن سالىستىرعاندا تۇسىمدەر 9,7 ملرد تەڭگەگە ارتىعىمەن تۇسكەن.
كەزدەسۋدە كولەڭكەلى ەكونوميكامەن كۇرەسىپ, سالىق ءتۇسىمىن ارتتىرۋ, بارلىق كاسىپكەرلەردىڭ جالدامالى جۇمىسشىلارىن تىركەتىپ, ولاردىڭ تابىستارىن شىنايىلىققا كەلتىرۋ ماسەلەسى اڭگىمە بولدى. سونداي-اق جالدامالى جۇمىسشىلارى ءۇشىن تولەنەتىن الەۋمەتتىك, جەكە تابىس سالىقتارىن ۇلعايتۋ, كاسىپكەرلىك ماقساتتا پايدالانىپ وتىرعان نىسانداردىڭ باعالاۋ قۇندارىنا قايتا باعالاۋ جۇمىستارىن ۇيىمداستىرىپ, م ۇلىك سالىعىنىڭ ءتۇسىمىن ارتتىرۋعا باسا نازار اۋدارىلدى.
قازىرگى تاڭدا قالادا 68 مىڭنان استام شاعىن جانە ورتا بيزنەس سۋبەكتىسى بار. وسى كاسىپكەرلىك سۋبەكتىلەرىنەن 2018 جىلعا مەملەكەتتىك بيۋدجەتكە 22,6 ملرد تەڭگە تۇسكەن نەمەسە جالپى ءتۇسىمنىڭ كورسەتكىشى – 15,8 پايىز عانا بولعان. سونداي-اق م ۇلىك سالىعىنان جالتارۋ ءۇشىن كاسىپكەرلىك ماقساتتا پايدالاناتىن عيماراتتاردىڭ قۇنى ايتارلىقتاي از كورسەتىلگەن. وسى ورايدا دەپارتامەنت باسشىسى كاسىپكەرلەردى ءبىر اي مەرزىم ىشىندە ناقتى تابىستارىن كورسەتىپ, قوسىمشا سالىق ەسەپتىلىكتەرىن تاپسىرۋعا ۇندەدى.
نۇرشات توكەن,
«Egemen Qazaqstan»
