ايماقتار • 18 قاڭتار، 2019

الماتىدا گازبەن جۇرەتىن جاڭا اۆتوبۋستار ىسكە قوسىلادى

267 رەتكورسەتىلدى

مەملەكەتتىك ساتىپ الۋ پورتالىندا جاريالانعان مالىمەتتەر بويىنشا الماتىدا گازبەن جۇرەتىن 200 جاڭا اۆتوبۋس ساتىپ الىناتىن بولدى دەپ حابارلايدى قالا اكىمدىگىنىڭ ءباسپاسوز قىزمەتى.

تەحنيكالىق سيپاتتاماسىنا توقتالاتىن بولساق،  اۆتوبۋستاردىڭ سىيىمدىلىعى ۇلكەن، ەدەندەرى جولۋشىلاردىڭ ءمىنىپ-تۇسۋىنە قولايلى ەتىپ جاسالعان. اۋا جەلدەتكىشى، ۆيدەو باقىلاۋ كامەرالارىمەن، مۇمكىندىگى شەكتەۋلى جاندار ءۇشىن ارنايى پاندۋستارمەن جابدىقتالۋى ءتيىس ءارى بارلىق تەحنيكالىق تالاپتارى  ەۆرو-5 ەكولوگيالىق ستاندارتىنا سايكەس بولۋى شارت.

وتكەن جىلى قالاداعى جولۋشى تاسىمالىن جاقسارتۋ باعىتىندا ءتۇرلى باعىتتار بويىنشا 479 جاڭا اۆتوبۋستار قولدانىسقا ەنگەن. BRT جەلىسىندەگى ايالدامالاردا العاشقى ەلەكتروندى تابلولار ىسكە قوسىلىپ، وندا قوعامدىق كولىكتىڭ ءنومىرى، باعىتى جانە ايالداماعا كەلۋ ۋاقىتى جايلى اقپاراتتار جاريالانىپ وتىرادى.

قازىرگى كەزدە جەلتوقسان - تولە بي - شاج - قۇلجا تراكتىمەن 13،2 شاقىرىمدى قۇرايتىن  جولدىڭ جوبالىق-سمەتالىق قۇجاتتارى جاسالۋدا.

قوعامدىق كولىكتە قىزمەت كورسەتۋ ساپاسىن ارتتىرۋ ماقساتىندا جۇرگىزۋشىلەر بىلىكتىلىك ورتالىعىندا بىلىمدەرىن جەتىلدىرىپ، اۆتوپاركتەر جۇرگىزۋشىلەر ءۇشىن ارنايى جۇمىس كيىمدەر دايارلاۋدا.

ەلۆيرا سەرىكقىزى،

«ەگەمەن قازاقستان»

الماتى

سوڭعى جاڭالىقتار

ەلباسى تالعات دوناقوۆتى قابىلدادى

قازاقستان • بۇگىن، 17:52

عارىشتاعى قوقىس (ۆيدەو)

ۆيدەو • بۇگىن، 13:08

ۇقساس جاڭالىقتار