سالتاناتتى شاراعا قاتىسقان وبلىس اكىمى بەردىبەك ساپارباەۆ ەلباسى كىتاپحاناسىنىڭ باسشىلىعىنا جوبانى وڭىردە جۇزەگە اسىرعاندارى ءۇشىن العىس ايتتى.
ء«اربىر حالىق, اسىرەسە, ءبىزدىڭ پاتريوتيزم رۋحىندا, وتانسۇيگىشتىككە تاربيەلەيتىن وسكەلەڭ ۇرپاعىمىز ءوز ەلىنىڭ تاريحىن, قالاي قۇرىلعانىن, دامىعانىن, قۇرىلۋ جولىندا قانداي قيىندىقتار بولعانىن ءبىلۋى ءتيىس. كورمەنى ءۇش اي ىشىندە 120 مىڭنان استام ادام تاماشالادى. اقتوبەلىك جاستار بارىنشا اقپارات الدى. مەن پرەزيدەنتتىڭ ءومىر جولى ولار ءۇشىن ءومىر بويى ۇلگى ءارى باعدار بولارىنا سەنىمدىمىن. ءبىز ەلىمىزبەن, ەلباسىمىزبەن ماقتانۋىمىز كەرەك. ونىڭ دانا ساياساتىنىڭ ارقاسىندا قازاقستان الەمدىك قوعامداستىقتا لايىقتى ورنىن الدى» دەدى ءوڭىر باسشىسى.
كورمەدە قر تۇڭعىش پرەزيدەنتى - ەلباسى كىتاپحاناسىنىڭ مۇراعات, كىتاپ, مۇراجاي قورلارىنان الىنعان بارلىعى مىڭنان استام جادىگەر, قۇجاتتار, فوتو جانە بەينەماتەريالدار ءتورت تاقىرىپتىق بولىمگە ءبولىنىپ, ۇسىنىلدى.
«ەلباسى جولى» بولىمىندە قر تۇڭعىش پرەزيدەنتى ءومىربايانىنىڭ كەزەڭدەرى تۋرالى باياندالعان. «ەلباسى فەنومەنى» ءبولىمى تاۋەلسىز قازاقستاندى قۇرعان ن.ءا.نازارباەۆتىڭ مەملەكەتتىك قۇرىلىس تۇجىرىمداماسىنىڭ قالىپتاسۋى مەن دامۋ تاريحىن كەڭىنەن كورسەتەدى. «الەم تانىعان ەلباسى» بولىمىندە ۇيىمداستىرۋشىلار ەلدىڭ قارقىندى سىرتقى ساياساتىن كورسەتكەن. سونىمەن بىرگە, «ەلباسى مارتەبەسى – ەل مارتەبەسى» تاراۋىندا ن.ءا.نازارباەۆتىڭ جوعارى مەملەكەتتىك ناگرادالارىنىڭ بىرەگەي جيناقتارى قالىڭ جۇرتشىلىققا العاش رەت كورسەتىلدى.
كورمە ەكسپوزيتسياسىنىڭ نەگىزىندە شولۋ ەكسكۋرسيالارىنان باسقا «تاريحي تاڭداۋ», «اتامەكەن», «ەلباسى مارتەبەسى – ەل مارتەبەسى» تاقىرىپتىق كورمەلەرى دە ءوتتى.
ايتا كەتەيىك, قور كورمەسى «ن.نازارباەۆ: ءداۋىر, تۇلعا, قوعام» قر تۇڭعىش پرەزيدەنتى - ەلباسى كىتاپحاناسىنىڭ كوشپەلى قور جوباسىنىڭ باستى وقيعاسى. اقتوبە وبلىسىندا بۇل جوبا اياسىندا, سونداي-اق, اۋقىمدى عىلىمي-ءبىلىم بەرۋ جانە مادەني-اعارتۋ شارالارى مەن كوشپەلى ەكسكۋرسيالار ءوتتى.
جوبا ءوز جۇمىسىن قىزىلوردا وبلىسىندا جالعاستىرادى.
