وبلىس اكىمىنىڭ ءبىرىنشى ورىنباسارى سەرىك شاپكەنوۆ قۇتتىقتاۋ سوزىندە ەسكەرتكىشتىڭ اشىلۋى مۇنايلى ايماقتىڭ قوعامدىق جانە مادەني ومىرىندەگى ماڭىزدى وقيعا ەكەنىن اتاپ ءوتتى.
- جوبا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جۇزەگە اسىرىلدى. قازاقستان حالقى تاريحتاعى ەڭ كۇردەلى كەزەڭدە قازاقتاردى بىرىكتىرۋدە شەشۋشى ءرول اتقارىپ, ولاردى ەلدىڭ ەركىندىگى مەن تاۋەلسىزدىگى ءۇشىن كۇرەسكەن ۇلى بيلەرى - تولە, قازىبەك جانە ايتەكەنى ەسكە الادى. بۇل - ۇرپاقتار ساباقتاستىعى, داستۇرلەردىڭ جالعاسى. ەسكەرتكىش وبلىستىق سوت عيماراتىنىڭ جانىندا كەزدەيسوق ورناتىلماعان, بۇل قازاق حالقىنىڭ دانالىعى, ادىلدىگى مەن ابىرويىنىڭ سيمۆولى, - دەيدى سەرىك شاپكەنوۆ.
ايتا كەتەيىك, ەسكەرتكىشتىڭ بيىكتىگى 4 مەتر, قولادان جاسالعان جانە ءمارمار تۇعىردا ورنالاسقان. ەسكەرتكىشتىڭ اۆتورى - اتاقتى قازاقستاندىق ءمۇسىنشى باقىتبەك مۇحامەتجانوۆ.
باقىتگۇل باباش,
«ەگەمەن قازاقستان»
اتىراۋ
