كوندۋكتورسىز جوبانى قالا اكىمدىگى مەن Beeline قازاقستان كومپانياسى جانە «SMSBUS» جشس بىرلەسىپ جۇزەگە اسىرادى.
«SMSBUS» جوباسى قالا ىشىندەگى №141, 147, 147 «ا», 148 جانە 148 «ب» باعىتتاردا پيلوتتىق جۇيەدە ەنگىزىلگەن. الداعى ۋاقىتتا قوعامدىق كولىكتەگى ەلەكتروندى بيلەت جوباسىن بارلىق باعىتتاردا ەنگىزۋ جوسپارلانىپ وتىر» دەيدى شىمكەنت قالالىق جولاۋشىلار كولىگى جانە اۆتوكولىك جولدارى باسقارماسىنىڭ باسشىسى قۋاتجان جۇماتاەۆ.
سالالىق باسقارما باسشىسىنىڭ ايتۋىنشا, ءار اۆتوبۋستا بىرەگەي كود تۋرالى اقپارات جازىلعان. جولاقىسىن تولەۋ ءۇشىن وسى كودتى 2505 قىسقا نومىرىنە SMS ارقىلى جىبەرۋ كەرەك. وعان جاۋاپ رەتىندە جولاۋشىعا SMS-تۇبىرتەك جانە ەلەكتروندى بيلەت كەلەدى. ال QR-كود ارقىلى تولەۋ ءۇشىن سمارتفوننان «موي Beeline» قوسىمشاسىن اشىپ, اۆتوبۋستىڭ QR-كودىن سكانەرلەۋ قاجەت. جاۋاپ رەتىندە جولاۋشى تۇبىرتەك جانە ەلەكتروندى بيلەت الا الادى.
«قالاداعى ينفراقۇرىلىمدى دامىتۋ ءۇشىن ءبىز تۇرعىندارعا جولاقىسىن تولەۋدىڭ وڭاي ءارى ءتيىمدى ءادىسىن ۇسىنىپ وتىرمىز. بۇل جۇيەنى قولدانۋ ءۇشىن جولاۋشى Beeline ابونەنتى جانە وندا سمارتفون بولۋى ءتيىس. بۇل جوبا قازىرگى تاڭدا 8 قالادا ءساتتى جۇزەگە اسىرىلىپ جاتىر. جولاۋشىلار جاڭا ءادىستى جاقسى باعالاپ, جاپپاي قولدانىسقا ەندىرەتىنىنە سەنىمدىمىن» دەيدى Beeline قازاقستان كومپانياسىنىڭ تسيفرلىق بيزنەس بويىنشا باس ديرەكتورى ولەگ الدوشين.
الايدا بۇل قىزمەت تۇرىمەن تەك شىمكەنت قالاسى اۋماعىندا جولاقى تولەنەدى.اتالعان ادىس Beeline وپەراتورىنىڭ اۆانستى ەسەپتەگى كليەنتتەرىنە عانا قولجەتىمدى.
