ءبىر تاۋلىك ىشىندە شىمكەنت قالاسىنىڭ پوليتسيا دەپارتامەنتى كوشى-قون قىزمەتى باسقارماسىنىڭ قىزمەتكەرلەرى قازاقستان رەسپۋبليكاسىنىڭ كوشى-قون زاڭناماسىنا قاتىستى 32 بۇزۋشىلىقتى انىقتاعان. ولاردىڭ ىشىندە 27 شەتەلدىك جانە 5 قازاقستان ازاماتى بار.
15 قۇقىق بۇزۋشىلىق ارەكەتكە ەسكەرتۋ بەرىلىپ, زاڭدى بەلدەن باسقان 8 ازاماتقا اكىمشىلىك ايىپپۇل سالىندى. سونداي-اق 9 شەتەلدىك اكىمشىلىك قاماۋعا الىندى جانە سوت شەشىمى بويىنشا 2 كىسى ەلدەن شىعارىلدى.
جەدەل رەيدتىك شارا بارىسىندا قالالىق پوليتسيا دەپارتامەنتىنىڭ قابىلداۋ-تاراتۋ ورنىنا جەكە باسىن كۋالاندىراتىن قۇجاتتارى جوق 22 ادام قاماۋعا الىندى.
شەتەلدىك ازاماتتاردى زاڭسىز تۇرعىن ۇيمەن قامتاماسىز ەتەتىن 4 ازامات جانە قر اقبتك-ءنىڭ 519-بابى مەن قر اقبتك-ءنىڭ 449-بابىنىڭ 3-بولىگىن بۇزعان شەت مەملەكەتتىڭ 1 ازاماتى انىقتالدى.
ەستەرىڭىزگە سالار بولساق, «ميگرانت» جەدەل پروفيلاكتيكالىق ءىس شاراسى 20 قاڭتارعا دەيىن جالعاسادى.
