قازاقستان • 18 قاڭتار، 2019

پارتيا اياسىندا اۋىلدى دامىتۋ ماسەلەسى قارالدى

281 رەتكورسەتىلدى

«نۇر وتان» پارتياسىنىڭ ورتالىق اپپاراتىندا «ميراس» رەسپۋب­ليكالىق كەڭەسىنىڭ 2019 جىلعى العاشقى وتىرىسى ءوتتى. جيىن­عا قوعامدىق دامۋ، اۋىل شارۋاشىلىعى مينيسترلىكتەرىنىڭ قىزمەت­كەرلەرى، زيالى قاۋىم وكىلدەرى، كەڭەس مۇشەلەرى قاتىستى.

كەڭەستىڭ كۇن تارتىبىندە مەملەكەت باسشىسى ن.نازارباەۆ حالىققا جولداۋىندا ۇسىنعان «اۋىل – ەل بەسىگى» ارنايى جوباسىن ىسكە اسىرۋ ماسەلەسى قارالدى. وتىرىستى اشقان كەڭەس توراعاسى ب.تىلەۋحان وسىعان دەيىن ايتىلعان 37 ۇسىنىستىڭ 4-ءۋى ورىندالماعانىن، ونىڭ سەبەبىن ءتيىستى مينيسترلىك وكىلدەرى زاڭنامالىق تالاپتارمەن تۇسىندىرگەنىن تىلگە تيەك ەتتى. 

جيىندا قوعامدىق دامۋ ۆيتسە-ءمينيسترى ج.قاجىكەنقىزى مەن اۋىل شارۋاشىلىعى ۆيتسە-ءمينيسترى ا.قاي­رات ۇلى «رۋحاني جاڭعىرۋ» باع­دارلاماسى اياسىندا اتقارىلعان ناقتى ىستەرگە توقتالىپ، «اۋىل – ەل بەسىگى» جوباسى توڭىرەگىندەگى الدا جوس­پارلاناتىن جۇمىستارعا كەڭەس مۇ­شە­لەرىنەن ناقتى ۇسىنىستار كۇتە­تىنىن ايتتى. 

ال قوعام قاي­رات­كەرى الدان سمايىل اۋىلدىڭ ءال-اۋقاتىن جاقسارتۋ ءۇشىن ونىڭ ەكونومي­كاسىن كوتەرۋ كەرەكتىگىنە توقتالدى. جا­قىندا ورتالىق وڭىرلەردەگى ەلدى مەكەندەردى ارالاعانىن ايتقان ا.سمايىل مالمەن جان باققان جۇرتشىلىقتىڭ ماسەلەسى كوپ ەكەنىن، كاسىپكەرلەردىڭ سەمىرتىپ باققان مالىن وتكىزە الماي جۇرگەنىن جەتكىزدى. وسى ولقىلىقتاردى شەشەتىن ارنايى كاسىپورىندار ماسەلەسىن جولعا قويۋدى ۇسىندى. 

ال ءتىل جاناشىرى ورازكۇل اسان­عازى قازاق ءتىلىنىڭ تۇعىرى بيىك بولماۋى اۋىل ماسەلەسىنە دە اسەرىن تيگى­زەتىنىن، مينيسترلىك نەمەسە جو­عارى جاقتاعى مامانداردىڭ اۋىل­داعى كاسىپكەرلەرگە «سىباعا» باع­دار­لاماسىنىڭ ءوزىن قاراپايىم تىلدە تۇسىندىرە المايتىنىن ايتتى. 

اۋىلعا بارعان «سەرپىن» باعدار­لاماسى تۇلەكتەرىنىڭ 70 پايىزى نەگە كەتكەنىن جەتكىزگەن م.ابەنوۆ اۋماق­تىق اكىمشىلىك تاراپىنان ناقتىلى قولداۋ بولماعانىن، باعدارلامانىڭ ماقساتى تولىق ورىندالماي وتىر­عانىن ءسوز ەتتى. 

ال بلوگەر ياكوۆ فەدوروۆ ورمان شا­رۋاشىلىعىندا جاس ماماندار جوق­تىڭ قاسى ەكە­نىن ايتسا، سەنات دەپۋتاتى دينار نوكەتاەۆا اۋىل­دار­داعى قىز-كە­لىنشەكتەر قولعا العان حالقىمىزدىڭ اتا­كاسىبىن ءناسىپ ەتۋىنە جاعداي جاساۋ قاجەتتىگىنە توقتالدى.

كەڭەستى قورىتىندىلاعان ب.تى­لەۋ­حان جيىندا ايتىلعان ۇسىنىس­تار­دىڭ حاتتاماعا تىركەلىپ، ءتيىستى ۆە­دو­مستۆولارعا ارنايى جولداناتىنىن جەتكىزدى.

ايدانا شوتبايقىزى،

«Egemen Qazaqstan»

سوڭعى جاڭالىقتار

عارىشتاعى قوقىس (ۆيدەو)

ۆيدەو • بۇگىن، 13:08

جارقىن جوبالار

ايماقتار • بۇگىن، 10:00

ءسوز سويىل №88

رۋحانيات • بۇگىن، 09:42

تراكتورمەن كەلگەن فەلدشەر

ايماقتار • بۇگىن، 07:00

ۇقساس جاڭالىقتار