«ايەلدىڭ «ەڭ بولماسا سۋرەتتەردى تاستا» دەپ جانۇشىرا ايعايلاعان داۋىسىن جۇرت كادىمگى وتباسىلىق ۇرىس-كەرىس دەپ ويلاپ قالعان سىڭايلى, ءمان بەرمەي تۇرا بەردى. ەر ادامنىڭ جۇگىرە جونەلگەنىنەن ونىڭ وتباسىلىق جانجال ەمەس ەكەنىن ءتۇسىندىم» دەيدى مەيرام.
پوليتسەيدىڭ «توقتا!» دەگەنىن قاشقىن تىڭدامادى. بىراق توناۋشى ءتارتىپ ساقشىسىنىڭ كۇشى باسىم ەكەنىن بايقادى, ۇرلاعان زاتتارىن تاستادى. بىرەر مينۋتتان سوڭ, مەيرام ونى قۋىپ جەتىپ الدى. «دەرەۋ كەزەكشى بولىمىنە تەلەفون شالدىم. ولار كەلىسىمەن جەدەل-تەرگەۋ توبىنداعى ارىپتەستەرىممەن بىرگە ەر ادامنان نە بولعانىن سۇرادىق. ول قوستاناي قالاسىنىڭ ۇرلىعى ءۇشىن بىرنەشە رەت سوتتى بولعان 33 جاستاعى تۇرعىنى ەكەن» دەيدى مەيرام.
تۇزەۋ مەكەمەسىنەن شىعا سالىسىمەن الگى ادام ءوزىنىڭ ۇيرەنشىكتى ءىسىن قايتا جالعاستىرعان ەكەن. پودەزدە ءبىر ايەلدى اڭدىپ ءجۇرىپ, ونىڭ اقشا سالعان ءاميانىن جىمقىرىپ كەتەدى. قازىر سوتقا دەيىنگى تەرگەۋ امالدارى ءجۇرىپ جاتىر.
مۇنداي ۇرىلاردى پوليتسەيلەر ءجيى ۇستايدى. تەرگەۋشى مەيرام ادجاباەۆ تا وسى سيپاتتاعى قىلمىستاردى تەرگەيدى, بىراق پوليتسيا دەپارتامەنتىندەگىلەردىڭ ايتۋىنشا, قىلمىسكەردى تەرگەۋشىنىڭ ءوزى ۇستاپ العانى سيرەك كەزدەسەدى. «اڭگىمە كىمنىڭ ۇستاعانىندا ەمەس, قىلمىسكەردىڭ ۇستالعانىندا» دەيدى مەيرام.
ءنازيرا جارىمبەت,
«ەگەمەن قازاقستان»
قوستاناي
