اقىن, قازاقستاننىڭ ەڭبەك سىڭىرگەن قايراتكەرى, «قۇرمەت» وردەنىنىڭ يەگەرى, م. ماقاتاەۆ اتىنداعى سىيلىقتىڭ ەكى مارتە يەگەرى, ايتىس اقىندارى مەن جىرشى, تەرمەشىلەردىڭ حالىقارالىق وداعىنىڭ باسقارما توراعاسى ءجۇرسىن ەرمان مولداش ۇلىنىڭ بەس تومدىق شىعارمالار جيناعى جارىق كوردى. بۇل كوپ تومدىق قر مادەنيەت جانە سپورت مينيسترلىگىنىڭ قولداۋىمەن باسىلىپ شىقتى.
اقىننىڭ بۇعان دەيىن «جانارتاۋ», «ارايلى كۇن, ارمىسىڭ!», « ۇلىتاۋعا باردىڭ با...», «قۇدىرەتكە جۇگىنۋ», «ەكى تىزگىن, ءبىر شىلبىر», «قۇستىڭ كولەڭكەسى», «ىرعاي», «ارنادىم سىزگە», «كوكتوبەدەگى كەزدەسۋلەر», «الىستان جانە جاقىننان», «اسىل اجار», «ۇلارىڭ قايدا ۇلىتاۋ» اتتى كىتاپتارى جارىق كورگەن. اتالعان بەس تومدىق شىعارمالار جيناعىنىڭ تۇساۋكەسەرى الماتى قالاسى قر ۇلتتىق كىتاپحاناسىندا 25 قاڭتار كۇنى ساع: 15:00 -دە وتەدى.
