جىل سوڭىندا ورىندالماي قالۋ قاۋپى بولعان ونەركاسىپتەگى ءونىم كولەمى, كۇرىلىس, ينۆەستيتسيا كورسەتكىشتەرى بويىنشا جوسپار جىلدىڭ قورىتىندىسىمەن ويداعىداي قالىپتاسقان. اتاپ ايتار بولساق, ونەركاسىپ ءونىمىنىڭ ناقتى كولەم يندەكسى جىل قورىتىندىسىمەن 102,6 پايىز, قۇرىلىس 105 پايىز, نەگىزگى كاپيتالعا سالىنعان ينۆەستيتسيا كولەمى 108, 4 پايىزعا ورىندالعان. سونىمەن قاتار, جامبىل وبلىسىندا قارجى يگەرۋدە دە وڭ ديناميكا ساقتالعان.
جيىن بارىسىندا اسقار مىرزاحمەتوۆ ەكونوميكالىق كورسەتكىشتەردەگى وڭ ديناميكا ءبىر جىلدىق تىنىمسىز ەڭبەكتىڭ ناتيجەسى ەكەندىگىن جەتكىزدى. اسىرەسە, ونەركاسىپتەگى ءونىم كولەمىنىڭ ءوسىمى ورتا جانە شاعىن كاسىپكەرلىكتەردى جانداندىرۋ, كاسىپورىنداردىڭ ونىمدىلىك جۇكتەمەلەرىن ارتتىرۋ ارقىلى مۇمكىن بولعانىن ايرىقشا اتاپ ءوتتى. ءوز سوزىندە اكىم وتكەن جىلعى ناتيجەمەن توقتاپ قالۋعا بولمايتىنىن, اعىمداعى جىلى اتقارىلاتىن شارۋالار ودان دا اۋقىمدى ەكەنىن باسا ايتتى. سودان كەيىن بارلىق باسقارما مەن اۋدانداردىڭ جىلدىق جۇمىسىنىڭ قورىتىندىسى ەگجەي-تەگجەيلى قارالىپ, باعاسى شىعارىلاتىنىن دا جەتكىزدى. ايتا كەتۋ كەرەك, الداعى قورىتىندى-باعالاۋ جيىندارى جاڭا فورماتتا, ياعني, ناقتى كەزدەسىپ وتىرعان وزەكتى ماسەلەلەر, ونىڭ شەشۋ جولدارىن قاراستىرۋ بويىنشا وتەدى.
سونداي-اق, وبلىستاعى 30 اۋماقتىق دەپارتامەنت, ينسپەكتسيا جانە باسقارمالارمەن بىرلەسىپ جۇمىس جاساۋ دا جولعا قويىلاتىن بولادى. ول ءۇشىن وبلىستىق سالالىق باسقارمالاردىڭ جۇمىس جوسپارىنداعى مىندەتتەمەلەرگە بارلىق دەپارتامەنت پەن ينسپەكتسيالاردى قاتىستىرۋ كوزدەلۋدە. جانە وبلىس اكىمدىگى مەن باسقارمالاردىڭ, باسقارما مەن اۋدان اكىمدەرىنىڭ اراسىنداعى مەموراندۋمداعى ينديكاتورلاردىڭ بىرقاتارى قايتا ناقتىلانادى. جيىندا وبلىس اكىمىمەن بەكىتىلگەن مەديا جوسپاردىڭ ورىندالۋى جانە باسقارمالار مەن اۋدان اكىمدەرىنىڭ ءباسپاسوز ماماندارىنىڭ جۇمىستارىن جانداندىرۋ ماسەلەلەرى دە قارالدى.
حاميت ەسامان,
«ەگەمەن قازاقستان»
جامبىل وبلىسى
