قىسقى سپورت • 17 قاڭتار، 2019

گالىشەۆا مەن رەيحەرد اقش-تاعى الەم كۋبوگى كەزەڭىندە باق سىنايدى

174 رەتكورسەتىلدى

19 قاڭتار كۇنى اقش-تىڭ لەيك-پلەسيد قالاسىندا فريستايلدان الەم كۋبوگىنىڭ ءتورتىنشى كەزەڭى وتەدى. اتالعان سىنعا قازاقستاندىق سپورتشىلار دا قاتىسادى. بۇل تۋرالى ۇلتتىق وليمپيادا كوميتەتىنىڭ ءباسپاسوز قىزمەتى حابارلادى. 

لەيك-پلەسيدتە قازاقستان نامىسىن پاۆەل كولماكوۆ، الەكساندر گەبەرت، دميتري رەيحەرد، كونستانتين گورلاچەۆ، ولەگ تسينن، يۋليا گالىشەۆا جانە اياۋلىم امىرەنوۆا قورعايدى. 

سپورتشىلاردىڭ بارلىعى موگۋلدا باق سىنايتىنىن ەسكەرتەمىز. 

ەسكە سالا كەتەيىك، يۋليا گالىشەۆا وسىعان دەيىن وتكەن الەم كۋبوگىنىڭ ءۇش كەزەڭىندە دە جۇلدەگە ىلىكتى. فينليانديانىڭ رۋكا قالاسىندا كۇمىس مەدال يەلەنگەن ول قىتايدا پاراللەلدى موگۋلدان ۇزدىكتەر ۇشتىگىن تۇيىقتادى. 

ال كالگاريدەگى (كانادا) ءۇشىنشى كەزەڭدە گالىشەۆا ماۋسىمداعى العاشقى جەڭىسىن تويلادى. ول وليمپيادا چەمپيونى پەررين لافوندى باسىپ وزىپ، التىننان القا تاققان ەدى. 

بۇگىندە الەم كۋبوگىنىڭ جالپى ەسەبىندە يۋليا گالىشەۆا فرانتسيالىق سپورتشىعا عانا ەسە جىبەرىپ، ەكىنشى ورىندا كەلەدى. 

ال ەرلەر اراسىندا دميتري رەيحەرد قىتايداعى الەم كۋبوگىنىڭ قولا مەدالىن يەلەندى. ول جالپى ەسەپتە العاشقى بەستىككە ەندى.

ەسكە سالا كەتەيىك، موگۋلدان الەم كۋبوگىنىڭ فينالدىق كەزەڭى 2-3 ناۋرىز كۇندەرى الماتىداعى "شىمبۇلاق" تاۋ-شاڭعى كەشەنىندە وتەدى. 

سوڭعى جاڭالىقتار

؟ (سۇراق بەلگىسى) پوەما

ادەبيەت • بۇگىن، 16:23

تسەنزۋراسىز اباي

رۋحانيات • بۇگىن، 14:34

بقو: 108 مىڭ وقۋشى قاشىقتان وقيدى

ايماقتار • بۇگىن، 13:23

قىزىلوردا: ءبىر اپتانىڭ بايانى

ايماقتار • بۇگىن، 12:52

ۇقساس جاڭالىقتار