قارجى • 17 قاڭتار، 2019

ءار ءتورتىنشى زاەم «نۇرلى جەر» باعدارلاماسى بويىنشا بەرىلگەن

335 رەتكورسەتىلدى

2019 جىلى تۇرعىن ءۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) «نۇرلى جەر» باعدارلاماسى بويىنشا سالىمشىلارىن 59،7 ملرد تەڭگەگە نەسيەلەندىرۋدى جوسپارلاپ وتىر. مەملەكەتتىك باعدارلاما اياسىنداعى بانك كليەنتتەرىنە ارنالعان تۇرعىن ءۇي ەلدىڭ بارلىق ايماعىندا ساتىلاتىن بولادى. بۇل تۋرالى بۇگىن ۇكىمەتتە وتكەن ءباسپاسوز ءماسليحاتىندا تۇرعىن ءۇي قۇرىلىس جيناق بانكىنىڭ باسقارما ءتورايىمى ءلاززات يبراگيموۆا ايتتى.

2018 جىلدىڭ قورىتىندىسى بويىنشا جالپى سوماسى 64 ملرد تەڭگە بولاتىن 8 659 پاتەر ساتىلعان. ال جالپى «نۇرلى جەر» جۇزەگە اسىرىلا باستاعالى بەرى، ياعني 2016 جىلدىڭ اياعىنان باستاپ مەملەكەتتىك باعدارلاما اياسىندا 13 197 قازاقستاندىق قونىس تويىن اتاپ وتكەن. باسپانا ساتىپ الۋ ءۇشىن ولارعا جالپى سوماسى 98،2 ملرد تەڭگەنى قۇرايتىن زاەمدار بەرىلدى. قاراجاتتىڭ 69 پايىزى رەسپۋبليكالىق بيۋدجەتتەن ءبولىندى، ال 31 پايىزى تۇرعىن ءۇي قۇرىلىس جيناق بانكىنىڭ جەكە قاراجاتى بولدى.

ايماق اكىمدىكتەرىنىڭ مالىمەتتەرى بويىنشا، وسى جىلى 14 220 پاتەر پايدالانۋعا بەرىلەدى دەپ جوسپارلانىپ وتىر.

باعدارلاما شارتتارىنا سايكەس، ساتىلاتىن ۇيلەردىڭ 1 شارشى مەترىنىڭ باعاسى الدىن الا بەلگىلەنگەن: استانا، الماتى، اتىراۋ جانە اقتاۋ قالالارىندا 180 000 تەڭگەدەن، ال باسقا ايماقتاردا 140 000 تەڭگەدەن اسپايدى.

«نۇرلى جەر» بويىنشا تۇرعىن ءۇي قۇرىلىس جيناق بانكى ارقىلى باسپانا الۋ ءۇشىن بانكتەن سالىم اشىپ، وعان ءۇي باعاسىنىڭ 20%-نا تەڭ ەڭ تومەنگى باستاپقى جارنا جيناۋ كەرەك. وسىدان كەيىن باعدارلاماعا قاتىسۋشى ازامات مولشەرلەمەسى 5% بولاتىن جەڭىلدەتىلگەن زاەمنان ۇمىتكەر اتانادى.

- مەملەكەت باسشىسى ءوزىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا تۇرعىن ءۇي قۇرىلىسى سالاسىندا ءدۇمپۋ تۋعىزىپ، ونىڭ دامۋىنا ۇلەس قوسقان، مىڭداعان قازاقستاندىققا باسپانالى بولۋعا مۇمكىندىك بەرگەن «نۇرلى جەر» باعدارلاماسىن جۇزەگە اسىرۋدىڭ تابىسىن ەرەكشە اتاپ ءوتتى. ونىڭ كومەگىمەن جەرگىلىكتى اكىمدىكتەردە ءۇي كەزەگىندە تۇرعان ازاماتتار، بيۋدجەت سالاسىندا جۇمىس ىستەيتىن قازاقستاندىقتار، تابىسى نارىقتىق شارتتارمەن ءۇي ساتىپ الۋعا مۇمكىندىك بەرمەيتىن جاندار جەڭىلدەتىلگەن باعامەن پاتەر ساتىپ الا الادى. باعدارلاما اياسىندا بەرىلگەن زاەمداردىڭ ورتاشا سوماسى – 7،3 ملن تەڭگە. «نۇرلى جەرگە» قاتىسۋشىلار اراسىندا ەكى بولمەلى پاتەرلەر ەڭ ۇلكەن سۇرانىسقا يە بولىپ وتىر، - دەپ اتاپ ءوتتى ءلاززات يبراگيموۆا.

جالپى العاندا، تۇرعىن ءۇي قۇرىلىس جيناق بانكى جەلىسى بويىنشا جاڭا نىساننان ءۇي ساتىپ الۋعا بەرىلگەن بارلىق زاەمداردىڭ جارتىسى وسى «نۇرلى جەر» باعدارلاماسى ارقىلى راسىمدەلگەن.

«نۇرلى جەر» اياسىندا سالىنىپ جاتقان نىساندار تۋرالى اقپاراتتى baspana.kz سايتىنان بىلۋگە بولادى. بۇل پورتال ءۇي تاڭداۋ ىڭعايلى، ال ساتۋ اشىق، ايقىن بولسىن دەپ ارنايى جاسالعان. مۇندا قازاقستاندىقتار پاتەر العىسى كەلەتىن قالانى تاڭداپ، ايماقتا قانداي نىساندار سالىنىپ جاتقانىن ءبىلىپ، ءوتىنىم قابىلدانىپ جاتقان-جاتپاعانىن انىقتاپ، ۇناعان پاتەردى تاڭداپ، تۇرعىن ءۇي ساتىپ الۋشىلار پۋلىنا قاتىسۋ ءۇشىن ءوتىنىش بەرە الادى.

جالپى العاندا، 2018 جىلى تۇرعىن ءۇي قۇرىلىس جيناق بانكى 38 295 قازاقستاندىققا باسپانالى بولۋعا كومەكتەستى. قازىر 1،3 ملن ادام بانككە سەنىپ، اقشا جيناپ جاتىر. ولاردىڭ شوتىنداعى قاراجاتتىڭ جالپى سوماسى 624،2 ملرد تەڭگەنى قۇرايدى. كليەنتتەرگە ءۇي الۋعا قاجەت اقشانى جيناۋعا بانك قانا ەمەس، مەملەكەت تە كومەكتەسىپ وتىر. جىل سايىن سالىمشىلار جيناعان اقشالارىنىڭ 20%-نا تەڭ مەملەكەتتىك سىيلىقاقى الادى. سىيلىقاقى دەپوزيتتەگى جينالعان اقشانىڭ 200 ايلىق ەسەپتىك كورسەتكىشتەن (2019 جىلى 505 000 تەڭگە) اسپايتىن كولەمىنە بەرىلەدى.

2018 جىلدىڭ قورىتىندىسى بويىنشا بەرىلەتىن مەملەكەتتىك سىيلىقاقى وسى جىلدىڭ اقپان ايىنىڭ ءبىرىنشى جارتىسىندا سالىمشىلار شوتىنا اۋدارىلادى.

سوڭعى جاڭالىقتار

ازىق-ت ۇلىك باعاسى الاڭداتادى

پارلامەنت • بۇگىن، 08:12

ۇقساس جاڭالىقتار