«جاقىندا مەملەكەت باسشىسى بالا اسىراپ الۋ جونىندەگى ۇلتتىق اگەنتتىك قۇرۋ تۋرالى تاپسىرماعا قول قويدى. 2 جىل بويى وسىعان قول جەتكىزە الماي كەلگەن بولاتىنبىز. بۇل مەملەكەت باسشىسىنىڭ تاپسىرماسىنان كەيىن جۇزەگە استى» دەدى ايدىن راحىمباەۆ ءوزىنىڭ Facebook جەلىسىندەگى پاراقشاسىندا.
مەتسەنات بۇدان بىلاي بالا اسىراپ الۋ ماسەلەسى مينيسترلىكتەر مەن اكىمدىكتەردەن جاڭا اگەنتتىككە تاپسىرىلاتىنىن جەتكىزدى.
سونىمەن قوسا جوبا اياسىندا 949 بالاعا جاڭا وتباسى تابىلعانىن مالىمدەدى. ونىڭ ايتۋىنشا, ەلىمىزدە 122 مەكەمە, ال جالپى 5337 جەتىم بار ەكەن. «الدا كوپ جۇمىس كۇتىپ تۇر. بىراق بىزگە بەرىلگەن جاڭا دارەجە بۇل ءىستى ءبىراز جەڭىلدەتپەك. ەگەر بالا اسىراپ الۋ پروتسەسى جەڭىلدەسە, ەلىمىزدەگى بالالار ءۇيىنىڭ دە سانى ازايماق» دەدى كاسىپكەر.
«ارينە, مەملەكەتتىك جۇيەنى, سونداي-اق بىرقاتار زاڭدى وزگەرتۋ كەرەك. پرەزيدەنت قىركۇيەك ايىنا دەيىن ۋاقىت بەردى, ەڭ باستىسى, بيۋروكراتتار بۇل جۇمىستى توقتاتپاۋى ءتيىس. بىراق بۇل جولى بىزگە كەدەرگى كەلتىرەتىن ادامداردىڭ ءىس-ارەكەتىن جاريا ەتەتىن بولامىز. ءبىز جاۋاپسىز ادامداردىڭ كەسىرىنەن كەم دەگەندە 2 جىلدان استام ۋاقىتتى بوسقا جوعالتتىق, ال بالالار «بالالار ءۇيىنىڭ» تۇتقىنى بولىپ وتىر. ال ازىرگە ءبىز اسىراپ الۋعا نيەت بىلدىرۋشىلەرگە كومەكتەسۋدى جالعاستىرامىز! بۇگىنگى كۇنى بالالار ۇيىندە نەگىزىنەن 5 جاستان اسقان جانە اعا-ىنىلەرى بار بالالار قالادى. ءبىزدىڭ قور بالا اسىراپ الۋشىلارعا ولاردى ىرىكتەۋگە, قۇجاتتارىن راسىمدەۋگە دە كومەكتەسەدى!» دەلىنگەن قوعامدىق قور باسشىسىنىڭ پاراقشاسىندا.
