قازاقستان • 15 قاڭتار، 2019

مەملەكەتتىك ساتىپ الۋ جۇيەسىن جەتىلدىرۋ جالعاسىپ جاتىر

472 رەتكورسەتىلدى

وتكەن جىلدىڭ سوڭىندا ەلىمىزدەگى مەملەكەتتىك ساتىپ الۋ جانە كۆازيمەملەكەتتىك سەكتورداعى ساتىپ الۋ ەرەجەسى وزگەرىپ، كەيبىر زاڭنامالىق اكتىلەرگە وزگەرىس پەن تولىقتىرۋ ەنگىزىلگەن بولاتىن.

مەملەكەت باسشىسى قول قويعان ارناۋلى زاڭنان كەيىن مەملەكەتتىك ساتىپ الۋ جۇيەسىندەگى جۇمىس جەڭىلدەتىلىپ، سالاداعى ارەكەت اشىق ءارى قولجەتىمدى بولا ءتۇستى.

- ەلباسى نۇرسۇلتان نازارباەۆتىڭ ء«ۇشىنشى جاڭعىرۋ: جاھاندىق باسەكەگە قابىلەتتىلىك» اتتى جولداۋىندا مەملەكەتتىك ساتىپ الۋدى جەتىلدىرۋ تالابىن قويعان ەدى. وسى باعىتتا بىرنەشە جۇمىس اتقارىلىپ، جىلدىڭ سوڭىندا زاڭعا وزگەرىستەر ەندى. سونىڭ ءبىرى: باعا ۇسىنىستارىن سۇراتۋ تاسىلىمەن ساتىپ الۋلاردا، ياعني ساتىپ الۋلاردا 1 000 اەك دەيىن نەمەسە 2 525 000 تەڭگەگە دەيىن تاپسىرىس بەرۋشىلەرگە قۇجاتتامادا تاۋارلاردىڭ فيرمالىق اتاۋلارىن كورسەتۋگە قۇقىق بەرىلەدى. بۇل تاپسىرىس بەرۋشىلەرگە نەعۇرلىم ساپالى تاۋارلاردى ساتىپ الۋعا مۇمكىندىك بەرەدى، - دەيدى الماتى وبلىسى بويىنشا ىشكى مەملەكەتتىك اۋديت دەپارتامەنتى باسشىسىنىڭ ورىنباسارى رامانحان تورەگەلديەۆ.

جاڭا ەرەجەدە تاپسىرىستى ءبىر كوزدەن الۋ تاسىلىمەن جۇرگىزەتىن جۇمىستار مەن قىزمەتتەردى ساتىپ الۋدىڭ شەكتى سوماسى 100-دەن 500 اەك-كە دەيىن ۇلعايتىلعان ەكەن. بۇل جەكە كاسىپكەرلەردىڭ جۇمىسىن ايتارلىقتاي جەڭىلدەتىپ وتىر. سونداي-اق، شاعىن جانە ورتا بيزنەس ءۇشىن ساتىپ الۋ پورتالىنداعى اشىقتىق قامتاماسىز ەتىلىپ، تاپسىرىس بەرۋشى مەملەكەتتىك ورگاندار ءۇشىن جاۋاپكەرشىلىك كۇشەيگەن.

- مەملەكەتتىك ساتىپ الۋدىڭ جىلدىق جوسپارىن ۆەب-پورتالدا ورنالاستىرماعانى نەمەسە ۋاقىتىلى ورنالاستىرماعانى، مەملەكەتتىك ساتىپ الۋدىڭ جىلدىق جوسپارىن بيۋدجەتكە سايكەس كەلمەيتىن كولەمدە بەكىتكەنى، ءبىرىنشى باسشىلاردىڭ، سونىمەن قاتار كوميسسيا مۇشەلەرىنىڭ الەۋەتتى ءونىم بەرۋشىلەردىڭ وتىنىمدەرىن ۋاقىتىلى قاراماعانى جانە الدىن الا رۇقسات بەرۋ حاتتاماسى مەن قورىتىندى حاتتاماسىن ۋاقىتىلى ورنالاستىرماعانى ءۇشىن اكىمشىلىك جاۋاپكەرشىلىكتەر قاراستىرىلعان، - دەيدى بۇل تۋرالى ر.تورەگەلديەۆ.

ايتپاقشى، وسى جىلدان باستاپ الەۋەتتى ءونىم بەرۋشىلەرگە مەملەكەتتىك ساتىپ الۋدا، ۆەب-پورتالىن پايدالانۋ بويىنشا قىزمەت اقىلى نەگىزدە كورسەتىلەدى. بۇل قىزمەتتىڭ قۇنى مەن ءتاريفى مەملەكەتتىك ساتىپ الۋ ۆەب-پورتالىندا ورنالاستىرىلعان.

قالماحانبەت مۇقامەتقالي،

«ەگەمەن قازاقستان»

الماتى وبلىسى

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

بوكسشىلار امماندا ىرىكتەلەدى

كاسىپقوي بوكس • بۇگىن، 06:53

ناقىل سوزدەرگە تولى اعاش

ايماقتار • بۇگىن، 06:47

ۇقساس جاڭالىقتار