جاڭا ورتالىقتىڭ باسشىسى تەمىرجان وتەجان ۇلىنىڭ ايتۋىنشا, قازىرگى كۇنى مۇندا 9 جاس قۇران-كارىمدى وقىپ جاتىر. ولاردىڭ ءبارى قالادا كوللەدجدەردە وقيدى جانە ساباقتان بوس ۋاقىتتارىندا ءدىني ءبىلىم الادى. ەكى-ءۇش جىلدا بۇل جاستار قاسيەتتى كىتاپتى تۇگەل جاتتاپ, قاري اتانباق. ورتالىقتا وقۋشىلاردىڭ ءبىلىم الۋى ءۇشىن قاجەتتى جاعدايلاردىڭ ءبارى جاسالعان. جاتاتىن ورىندارى, تاماقتارى تەگىن. جاستارعا ۇستاز باۋىرجان تولەگەن ۇلى ءدارىس بەرەدە. ەل اراسىندا كوتتەدج قالاشىعى اتانىپ كەتكەن شاعىن اۋدانداعى ەكى قاباتتى ساۋلەتتى كوتتەدجدى پارتيا ارداگەرى, بەلگىلى قوعام قايراتكەرى, كوكشەتاۋ قالاسىنىڭ قۇرمەتتى ازاماتى بولات احمەتجان ۇلى مەشىتكە سىيعا تارتىپتى. اقىلداسا كەلە, ورتالىق اتاۋىن بولات اعانىڭ دۇنيەدەن وتكەن جارى تىلەۋلەس قاجى وتەۋلىقىزىنىڭ ەسىمىمەن اتاۋعا شەشىم قابىلدانعان. ورتالىقتىڭ اشىلۋ سالتاناتىندا قۋانىش قاجى جۇماباي ۇلى عيماراتتى جوندەپ, ىشكى ارلەۋ جۇمىستارىن جاساۋعا قول ۇشىن بەرگەن كاسىپكەرلەرگە العىسىن ايتىپ, بيىل جازدا سىرتقى اباتتاندىرۋ جۇمىستارى جۇرگىزىلەتىنىن جانە ءبىرىنشى قاباتتان ءدامحانا اشىلاتىنىن اتاپ ءوتتى. جاڭا ورتالىق الداعى ۋاقىتتا قۇراندى جاتقا وقيتىن جاس قاريلاردى دايىنداۋعا يگى ىقپالىن تيگىزەتىن بولادى.
بايقال ءبايادىل,
«ەگەمەن قازاقستان»
كوكشەتاۋ قالاسى.
