قوعامدىق دەنساۋلىق ساقتاۋ دەپارتامەنتى باسشىسىنىڭ ورىنباسارى ەربولات ۋايىسوۆ ەكپە سالدىرتۋعا قارسىلاردىڭ باسىم بولىگى ءدىني ۇستانىمدارىن العا تارتاتىندارىن ايتادى. دەپارتامەنت وبلىستىق دەنساۋلىق ساقتاۋ باسقارماسىمەن بىرلەسىپ تۇرعىنداردى يممۋنداۋعا بايلانىستى تۇسىنىك جۇمىستارىن جۇرگىزگەن, سونىڭ ناتيجەسىندە بۇرىن ەكپەدەن باس تارتىپ كەلگەن 100 بالانىڭ اتا-اناسى ەكپە جاساتۋعا كەلىسىم بەردى. ۆاكتسينادان باس تارتۋ دەرەكتەرى نەگىزىنەن اتىراۋ قالاسىندا كوپ تىركەلەدى, ال اۋداندار اراسىندا جىلىوي اۋدانى كوش باستاپ تۇر.
سوڭعى ەكى جىلدا ايماقتا قىزىلشا اۋرۋى تىركەلمەگەن ەدى, ال بيىل قاڭتار باستالىسىمەن-اق 20 ناۋقاستىڭ وسى دەرتكە شالدىققانى بەلگىلى بولدى. قوعامدىق دەنساۋلىق ساقتاۋ دەپارتامەنتىنىڭ ماماندارى قىزىلشامەن اۋىرىپ جاتقان بالالاردىڭ ءبارى دە ەكپە الماعاندارىن ايتادى. وسىدان-اق يممۋنداۋ اپتالىعىنا ءمان بەرۋ كەرەك ەكەنىن اڭعارۋعا بولاتىن سەكىلدى.
باقىتگۇل باباش,
«ەگەمەن قازاقستان».
اتىراۋ
